Býðst til að segja af sér vegna nektarmynda
Setja bókamerki
Elizabeth Wong, þingmaður stjórnarandstöðunnar í Malasíu, hefur boðist til að segja af sér eftir að nektarmyndum, þar sem hún sést sofa nakin, hafði verið dreift af henni í gegnum farsíma.
Wong, sem er ein af helstu mannréttindafrömuðum Malasíu, sakar stjórnvöld um að draga stjórnmálin ofan í ræsið með því að birta myndirnar.
Fram kemur í þarlendum dagblöðum að fyrrverandi kærasti hennar hafi tekið myndirnar.
Malasía er mjög íhaldssamt samfélag og hafa karlkyns stjórnmálamenn gagnrýnt Wong harðlega, en hún er einhleyp og afar sjálfstæð.
„Ég vil taka það fram að ég skammast mín ekki fyrir kynferði mitt, sem einhleyp kona,“ sagði Wong, sem er 37 ára gömul, á tilfinningaríkum blaðamannafundi.
„Ég hef ekki brotið nein lög. Ég stend við meginreglu í lýðræðisríki að allir eigi rétt á sínu einkalífi,“ segir hún.
Hafa „ágætis tíma“ til úrbóta
Ný staða uppi og óvissan meiri
29 nautgripir fundust dauðir
Almannavarnir auka viðbúnað
Spursmál: Fyrsta stóra viðtal Katrínar
Myndskeið: Segjast hafa skotið niður sprengjuflugvél
Nauðgaði kærustu sinni og tók það upp