Anders Fogh Rasmussen, forsætisráðherra Dana. Reuters

Að sögn danskra fjölmiðla á að lækka hátekjuskatt úr 15% í 13,5% og hækka hátekjumarkið um 36 þúsund danskar krónur á ári í 388 þúsund danskar krónur, jafnvirði rúmlega 7,5 milljóna íslenskra króna. Þá verður sérstakt 6% skattþrep á miðlungstekjur afnumið og skattprósenta á allar tekjur lækkuð um hálfa prósentu. Loks verður persónuafsláttur hækkaður um 1000 krónur.

Á móti er gert ráð fyrir að vaxtabætur verði lækkaðar í áfönngum til ársins 2012. Alls er gert ráð fyrir að lækka skatta um 30 milljarða danskra króna á ársgrundvelli en áætlunin verður komin að fullu í framkvæmd árið 2019.