Í bænum Ntarama í Rúanda hefur kirkja verið helguð minningu fórnarlamba þjóðarmorðsins STAFF

Dómur féll í gær í máli Rúandamanni af Hútúættbálki, Joseph Mpambara, um þátt hans í þjóðarmorðunum í Rúanda árið 1994. Mpambara mætti fyrir rétt í Hollandi þar sem hann var fundinn sekur um pyntingar, en var sýknaður af ákærum um stríðsglæpi. Hann hlaut 20 ára fangelsisdóm fyrir „að ræna tvær konur og að minnsta kosti fjögur börn dýrmætustu eign þeirra: eigin lífi,“ að sögn dómarans.

Mpambara fyrirskipaði að konurnar og börnin skildu rifin út úr sjúkrabíl og höggvin til dauða. Hann var hinsvegar sýknaður af morðum á Tútsum sem leitað höfðu hælis í kirkju, vegna ósamræmis í framburði vitna.

Mpambara var hinsvegar einnig fundinn sekur af annarri pyntingarákæru: að hafa hótað lífi þýsks læknis, eiginkonu hans af ætt Tútsa og tveggja mánaða sonar þeirra við vegatálma þar sem þau reyndu að flýja Rúanda.

Um 800.000 Tútsar og Hútúar voru myrtir af hersveitum Hútú á aðeins 100 dögum árið 1994. Athygli yfirvalda í Hollandi var vakin á Mpambara eftir að hann sótti um hæli í landinu en var hafnað árið 1998. Samkvæmt Hollenskum lögum er hæstarétti þar í landi heimilt að sækja menn til saka fyrir stríðsglæpi sem framdir eru í öðrum löndum.