Barnavagnabylting yfirvofandi

Félagsmálaráðuneytið í Lettlandi hefur lagt til að börn undir eins árs aldri fái ekki barnabætur og er þetta liður í niðurskurði vegna slæms efnahagsástands.

Lettar hafa fengið alþjóðleg lán upp á 7,5 milljarða evrur án þess að þurfa að fara að kröfum Alþjóðagjaldeyrissjóðsins um gengisfellingu, að því er segir á viðskiptavefnum e24.se. Í staðinn þurfa Lettar að beita miklum niðurskurði.

Mömmuklúbburinn svokallaði, sem í eru um 20 þúsund foreldrar, hyggst mótmæla niðurfellingu barnabóta. Félagar í klúbbnum hyggjast streyma út á götur og torg með barnavagnana sína og mótmæla.

• 3 blogg um fréttina

Bloggað um fréttina

• Axel Jóhann Axelsson: Lánsamir að hafa krónuna
• Finnur Bárðarson: Barnavagnar í mótmælin
• Guðmundur Ásgeirsson: ESB brennur í boði IMF