Mennirnir sem handteknir voru á Bretlandi í gær vegna meintrar skipulagningar hryðjuverkaárásar eru sagði tilheyra smáhópi sem tilheyri al-Qaeda samtökunum og hafa verið að skipuleggja umfangsmikil hryðjuverk nú um páskana. Þetta kemur fram á vef The Daily Telegraph.

Eru mennirnir tólfsagðir hafa ætlað að gera röð sprengjuárása í verslunarmiðstöðvum í Manchester.

Lögregla hefur fylgst með mönnunum vikum saman  en þeir voru handteknir í fyrradag, degi fyrr en til hafði staðið,  eftir að Bob Quick, aðstoðarlögreglustjóri Lundúnaborgar, lét fyrir mistök ljósmyndara sjá skjöl um málið. Nokkrir mannanna mun m.a hafa verið undir eftirliti MI5 er þeir mynduðu aðstæður við verslunarmiðstöðvarnar Trafford Centre, Arndale Centre og St Ann's Square.

Heimildarmenn The Daily Telegraph segja að vart hafi mátt tæpara standa við að stöðva mennina, þar sem þeir hafi heyrst tala um árásir á næstu fimm til tíu dögum. Þá segja þeir að svo virðist sem árásin hefi getað orðið sú mannskæðasta í Bretlandi en páskahelgin er mikil verslunarhelgi í landinu.

Þá segja þeir að það hafi stofnað aðgerðum yfirvalda og óbreyttum borgurum í gætt að flýta þurfti handtöku mannanna vegna mistaka Quick. Hann sagði af sér í gær eftir að Jacqui Smith, innanríkisráðherra Bretlands, sagði honum að bæði hún og breska leyniþjónustan MI5 hefðu glatað trausti sínu á honum.

Gordon Brown, forsætisráðherra Bretlands, segir að svo virðist sem um skipulagningu stórfelldra árása hafi verið að ræða og að verið sé að rannsaka tengsl mannanna við Pakistan. Þá mun lögregla nú leita sprengjuverksmiðju sem mennirnir eru taldir hafa komið sér upp.

Allir mennirnir, nema einn er Pakistanar sem dvalið hafa í Bretlandi sem námsmenn.

52 létu lífið í hryðjuverkaárás í London þann 7. júlí árið 2005.