Eru viðbúnir skotárásum

Mikil sorg ríkti í þýska smábænum Winnenden eftir að skólapiltur ...
Mikil sorg ríkti í þýska smábænum Winnenden eftir að skólapiltur skaut þar og drap 15 samnemendur og kennara í síðasta mánuði. Reuters

Danska lögreglan hefur gert áætlun um hvernig bregðast skuli við skotárásum í skólum, á borð við þær sem í tvígang hafa orðið í Finnlandi og í bandaríska Colombine skólanum fyrir tíu árum.

Danir horfast nú í augu við það að árásir þar sem skólanemar ráðast til atlögu gegn samnemendum sínum með skotvopnum verða ekki eingöngum í Bandaríkjunum. Slík árás var gerð í Danmörku árið 1994 þegar 35 ára karlkyns stúdent drap tvo og særði fjölda manns í skotárás í háskólanum í Árósum. Maðurinn framdi svo sjálfsmorð í framhaldinu. Nýleg dæmi frá Finnlandi og Þýskalandi sanna að slíkt getur gerst aftur en í síðasta mánuði drap skólapiltur í Þýskalandi 15 nemendur og kennara í skólanum sínum.

Danskir lögreglumenn eiga því nú að sækja sér kennslu í því hvernig best er hægt að bregðast við skotárásum sem þessum, að því er fram kemur í frétt Berlingske tidende. Þjálfunin er liður í nýrri viðbragðsáætlun Ríkisspítalans í Kaupmannahöfn.

Ástæða þess að slík áætlun hefur ekki verið til fyrr en nú er að sögn lögregluvarðstjórans Jørgen Harlev sú að hingað til hafi verið taldar takmarkaðar líkur á skólaskotárás af þessu tagi. Hann vill þó ekki meta hættuna á því að slíkt gerist í Danmörku. „Ég trúi því ekki að nokkur maður geti gefið fullnægjandi svar við því. En ef maður hefði spurt Finnana um hið sama hefðu þeir varla séð fyrir harmleikina sem þar urðu."

Samhliða áætlun lögreglu og spítalans starfa tveir vinnuhópar í Menntamálaráðuneytinu að því að búa til forvarnaáætlun gegn skólaskotárásum. Þrátt fyrir að mikil leynd hvíli yfir þessari áætlun hefur Berlingske Tidende upplýsingar um að í henni verði mælt með ýmsum breytingum, sem m.a. eiga að tryggja að skólarnir komi sér upp skýru viðvörunarferli og uppgötvi frekar hugsanlega árásarmenn áður en þeir láti til skarar skríða.

mbl.is

Bloggað um fréttina

Frá Sýrlandi til Evrópu - Greinaflokkur

www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Listakonan í fjörunni
Til sölu stytta eftir Elísabetu Geirmundsdóttur frá Akureyri, sem gekk ævinlega ...
 
Félagsstarf
Staður og stund
Aflagrandi 40 Opin vinnustofa kl. 9 og b...
L helgafell 6017112219 iv/v
Félagsstarf
? HELGAFELL 6017112219 HogV IV/V M...
Félagsstarf
Staður og stund
Aflagrandi 40 Opin vinnustofa kl. 9, for...
Skipulag
Tilkynningar
Borgarbyggð Skipulagsauglýsingar Sv...