Skotárás talin tengjast klíkustríði

Strikið í Kaupmannahöfn.
Strikið í Kaupmannahöfn. mbl.is/GSH

Skotið var á mann á Norðurbrú í Kaupmannahöfn um hádegisbilið í dag. Fórnalambið stóð fyrir framan heimili sitt, með barn í kerru þegar skotárásin hófst.

Tveir menn á rauðu Yamaha mótorhjóli skutu sjö til tíu skotum með hríðskotabyssu að manninum. Hann hlaut skotsár á mjöðmum og fótum og liggur nú á sjúkrahúsi. Árásarmennirnir eru enn ófundnir en danska lögreglan lýsir nú eftir þeim.

Talið er að skotárásin tengist klíkuátökum á milli Hells Angels og innflytjendahópa í Kaupmannahöfn. Samkvæmt Politiken.dk er maðurinn 29 ára endurskoðandi og starfar við kennslu. Hann er tveggja barna faðir og á rætur sínar að rekja til Egyptalands. Hann á engan sakaferil að baki og er ekki talinn tengjast klíkustríðinu. Hann þekkti þó einhverja sem viðriðnir hafa verið slík átök.

Nokkurn tíma tók fyrir lögreglu að koma manninum til hjálpar en stuttu fyrir skotárásina var tilkynnt um aðra skotárás á annars staðar í borginni. Grunur leikur á að sú tilkynning hafi verið gerð til að koma lögreglunni sem lengst frá hinum raunverulega vettvangi árásarinnar.

Stutt er síðan önnur skotárás átti sér stað á sama stað í Kaupmannahöfn, eða þann 28. febrúar. Þá særðist 32 ára Færeyingur lífshættulega þegar skotið var á hann er hann sat í bifreið sinni.

mbl.is

Bloggað um fréttina

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Íslensk fornrit og Saga Íslands
Íslensk fornrit til sölu, Íslendingasögur og Landnáma, bindi 1-12 og 14. Saga ...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Teikning eftir Mugg til sölu
Til sölu blýants- og tússteikning eftir Mugg, stærð 17,5x22 cm. Úr seríunni Sjöu...
 
Samkoma
Félagsstarf
Samkoma kl. 20 í Kristniboðs- salnum. R...
Framhald uppboðs
Nauðungarsala
Uppboð Einnig birt á www.naudungarsolu...
Sölumaður / kona
Iðnaðarmenn
Sölumaður / kona óskast til að annas...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...