Berlusconi krefst afsökunarbeiðni

Veronica Lario og Silvio Berlusconi.
Veronica Lario og Silvio Berlusconi. Reuters

Silvio Berlusconi, forsætisráðherra Ítalíu, krafðist þess í dag í blaðaviðtali, að Veronica Lario, eiginkona hans, biðjist opinberlega afsökunar á ýmsum ummælum, sem hún hefur látið falla um hann að undanförnu.

„Veronica verður að biðjast opinberlega afsökunar," hefur blaðið Corriere della Sera eftir honum í dag. „Og ég veit ekki einu sinni hvort það dugar."

Lario sagði í viðtölum um helgina að hún ætlaði að krefjast skilnaðar frá eiginmanni sínum. Í síðustu viku birti hún opið bréf til Berlusconis þar sem hún gagnrýndi hann harðlega fyrir að velja ungar, fallegar og óreyndar konur á framboðslista flokks síns fyrir væntanlegar Evrópuþingskosningar. 

„Þetta er í þriðja skipti, sem hún leikur mig grátt í miðri kosningabaráttu. Þetta er of langt gengið," sagði Berlusconi í dag. Þegar hann var spurður hvort hann teldi að hjónaband þeirra muni halda svaraði hann: „Ég held ekki. Ég veit ekki hvort ég vil reyna að halda því saman í þetta skipti."

Að sögn ítalskra fjölmiðla var dropinn sem fyllti mælinn hjá Veronicu að eiginmaður hennar mætti í 18 ára afmæli dóttur viðskiptafélaga síns í Napolí. Berlusconi mætti hins vegar aldrei í 18 ára afmælisveislur barna þeirra þriggja.  

Búist er við að skilnaður Berlusconihjónanna muni sjá ítölskum fjölmiðlum fyrir miklu efni á næstunni. Berlusconi er næstríkasti maður Ítalíu og eru eignir hans metnar á 830 milljarða króna.   

mbl.is

Bloggað um fréttina

Frá Sýrlandi til Evrópu - Greinaflokkur

Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Ritverkið Reykvíkingar 1-4
til sölu fyrstu fjögur bindin (öll sem hafa komið út) af ritverkinu Reykvíkingar...
Skimpróf fyrir ristilkrabbameini !!
Eftir hægðir setur þú eitt Ez DETECT prófblað í salernið. Ef ósýnilegt blóð e...
Mánatún 3ja herb. m. stæði í bílagemyslu
Glæsileg 3ja herb. íbúð á 5 hæð með stæði í bílageymlsu til leigu. Allar innrétt...
 
Félagsstarf
Staður og stund
Árskógar 4 Smíðar/útskurður m./leiðb. kl...
Félagsstarf
Staður og stund
Árskógar 4 Smíðar/útskurður m./leiðb. kl...
Samkoma fellur niður í kvöld
Félagsstarf
Hörgshlíð 12 Samkoma fellur niður í kv...
Félagsstarf
Staður og stund
Árskógar 4 Opin smíðastofa kl. 9-16. Sun...