Toby Melville

Staðfest hefur verið að kona frá Texas hafi látist úr inflúensu A(H1N1), sem einnig er kölluð svínaflensa. Heilbrigðisyfirvöld þar í landi segja hana fyrsta íbúa Bandaríkjanna til þess að deyja úr sjúkdómnum.

Mexíkóskur drengur lést úr flensunni í Bandaríkjunum í síðasta mánuði, en hann var þar í heimsókn hjá ættingjum sínum. Ekki er vitað til þess að fleiri en þau tvö hafi látist úr inflúensu A utan Mexíkó.

Heilbrigðisráðuneyti Texas „segir frá fyrsta dauðsfalli íbúa Texas, vegna H1N1 flensu. Kona frá Cameron sýslu sem stríddi við langvarandi veikindi fyrir, lést í þessari viku,“ segir í yfirlýsingu.