Rumsfeld vitnaði í Biblíuna

Donald Rumsfeld, fyrrverandi varnarmálaráðherra Bandaríkjanna.
Donald Rumsfeld, fyrrverandi varnarmálaráðherra Bandaríkjanna. Reuters

Donald Rumsfeld, fyrrverandi varnarmálaráðherra Bandaríkjanna, vitnaði reglulega í Biblíuna á fundum um Íraksstríðið með George W. Bush, þáverandi Bandaríkjaforseta, á sínum tíma.

Rumsfeld var svo iðinn við tilvísanirnar að einn starfsmanna Hvíta hússins sem er íslamstrúar móðgaðist þegar hann varð vitni að samlíkingunum, að því er fram kemur í umfjöllun tímaritsins GQ.

Hafði Rumsfeld með sér myndir af bandarískum hermönnum á fundi með forsetanum og fylgdi með texti með beinum tilvitnunum í Biblíuna.

En vart þarf að taka fram að Bush er mjög trúaður maður.

Þar á meðal var mynd af Írökum að fella styttu af Saddam Hussein en undir stóð: „En augu Drottins hvíla á þeim er óttast hann, á þeim er vona á miskunn hans.“

„Látið upp hliðin, svo að réttlátur lýður megi inn ganga, sá er trúnaðinn varðveitir [framhaldið er: og hefir stöðugt hugarfar. Þú veitir ævarandi frið, því að þeir treysta á þig],“ segir með mynd af bandarískum skriðdrekum þegar þeim er ekið undir hlið í Írak.

Með mynd af Saddam Hussein er vitnað í Pétursbréf:

„Það er vilji Guðs að þið þaggið niður í vanþekkingu heimskra manna með því að breyta vel.“

Starfsmenn bandaríska varnarmálaráðuneytisins höfðu áhyggjur af tilvitnunum og ræddu sín á milli um að ef þær yrðu gerðar opinberar myndu afleiðingarnar verða jafn slæmar og þegar greint var frá pyntingum í hinu alræmda Abu Ghraib-fangelsi.

Sjá má brot af myndunum hér.

Vegna athugasemda lesanda voru þýðingar sóttar beint í Biblíuna.

Starfsmenn Hvíta hússins óttuðust að ef tilvitnanirnar kæmust upp myndi ...
Starfsmenn Hvíta hússins óttuðust að ef tilvitnanirnar kæmust upp myndi það hafa jafn slæm áhrif á ímynd Bandaríkjanna og þegar greint var frá pyntingum í Abu Ghraib-fangelsinu. Reuters
mbl.is

Frá Sýrlandi til Evrópu - Greinaflokkur

HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
https://www.funiceland.is - Ferðavefur
FunIceland.is er ferða- og upplýsingavefur um náttúru Íslands. Skoðaðu vefinn m...
Rexton 2016. Á frábæru verði 3,990,000-
Vorum að fá inn SSangyong Rexton 2016 ekinn 50þús km, sjálfskiptur. Bíll byggðu...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
 
Félagsstarf aldraðra
Staður og stund
Aflagrandi 40 Opin vinnustofa kl. 9, gön...
Land til sölu
Til leigu
Land til sölu Til sölu eða leigu 4,6 h...
Kröflulína
Tilkynningar
Mynd af auglýsingu ...
Framhald
Nauðungarsala
Uppboð Einnig birt á www.naudungarsolu...