Klerkar sitja á Azadi torgi þar sem samkoma til stuðnings Mousavi átti að fara fram. Reuters

Þetta er mat Magnúsar Þorkels Bernharðssonar, sérfræðings í málefnum Miðausturlanda, sem telur að næstu dagar kunni að skera úr um hvort kosningarnar, sem andstæðingar Mahmouds Ahmadinejads forseta telja að hafi verið svindlað í, muni leiða til kerfisbreytingar í stjórnkerfinu með því að auka völd forsetans á kostnað klerkaveldisins.

„Ali Khamenei erkiklerkur er byrjaður að svitna. Klerkaveldið sér að það er að missa stjórn á landinu. Það finnur að það getur ekki stjórnað þessari bylgju,“ segir Magnús, sem slær þó þann varnagla að ef til vill muni erkiklerknum takast að vinna tíma með því að fallast á endurtalningu. Magnús telur allt benda til kosningasvindls.

Nánar er fjallað um málið í Morgunblaðinu í dag.