Ríflega fjórðungur suður-afrískra karlmanna viðurkenna að þeir hafi nauðgað konum eða ungum stúlkum. 73% þátttakenda í nýrri könnun viðurkenna að þeir hafi verið undir tvítugu er þeir nauðguðu í fyrsta sinn.

Medical Research Counsil í Suður Afríku fékk svör frá 1738 karlmönnum og sögðust 27,6% þeirra hafa nauðgað konum eða ungum stúlkum. Einn af hverjum fimm sem viðurkenndu að hafa nauðgað voru HIV-smitaðir.

Nærri 10% þátttakenda sögðust hafa nauðgað í fyrsta sinn fyrir tíu ára aldur og ríflega 42% sögðust hafa verið ofbeldisfullir gagnvart fórnarlömbum sínum og samkvæmt könnuninni var fylgni milli þeirra sem voru HIV smitaðir og beittu ofbeldi.

Tíðni tilkynntra nauðgana er trúlegast hvergi meiri í heiminum en í Suður Afríku. Lögreglan þar í landi skráði 36190 tilfelli 2007 eða 99 dag hvern en sérfræðingar telja að það sé einungis lítið brot af þeim fjölda sem raunverulega á sér stað.

Suður Afríka á einnig heimsmetið í fjölda fólks sem er smitað af HIV-veirunni.