Birtu myndir úr Lífsháska með flugslysafrétt

Bólivísk sjónvarpsstöð birti ljósmyndir teknar úr sjónvarpsþáttaröðinni Lífsháska  með frétt um frönsku farþegaþotuna sem hrapaði í Atlantshafið. Myndirnar sýndu fólk með súrefnisgrímur um borð í flugvél og farþega sem sogast út um gat á skrokki flugvélar.

Sjónvarpsstöðin fékk þessar myndir sendar með tölvupósti þar sem því var haldið fram að myndirnar hefðu fundist á minniskubbi myndavélar sem fannst í braki flugvélarinnar og var eigandi vélarinnar nafngreindur sem brasilíski leikarinn Paulo Muller.

Lífsháski er sjónvarpsþáttaröð sem framleidd er í Bandaríkjunum af ABC sjónvarpsstöðinni og segir frá fórnarlömbum flugslyss sem eru strandaglópar á dularfullri eyju í Kyrrahafi.

• 1 blogg um fréttina

Bloggað um fréttina

• Pálmi Freyr Óskarsson: Nei eru ekki bara einhverjir farnir......