Kórónan á höfði Frelsisstyttunnar í New York var í dag, á þjóðhátíðardegi Bandaríkjanna, opnuð að nýju fyrir almenningi, en hún hefur verið alfarið lokuð síðan árásirnar voru gerðar á Tvíburaturnanna þann 11. september 2001. 

Fyrirkomulagið verður með þeim hætti að á hverri klukkustund verður 30 manns hleypt að til að klífa 168 þrep hringstigans upp í topp hinnar víðfrægu styttu þar sem útsýnið yfir Manhattan þykir ægifagurt, en ekki staðið almenningi til boða af öryggisástæðum í tæp 8 ár. Fyrsti hópur fólk sem hleypt verður upp var valinn í gegnum sérstakt happadrætti. 

Mikið skúraveður hefur verið í New York það sem af er sumri en í dag brosti sólin við gestum á hátíðarhöldum í tilefni opnunarinnar á innflytjendaeyjunni Ellis Island úti fyrir Manhattan. „Þessi stytta er táknmynd vonar,“ sagði ríkisstjóri New York, David Paterson við tilefnið. „Þessi stytta hefur staðið af sér stríð, hún stóð af sér árásirnar 11. september. Við skulum þeim góðu gildum sem hún stendur fyrir til framtíðar opnum örmum.“

Michael Bloomber borgarstjóri New York bætti því við að Frelsisstyttan væri „besta gjöf allra tíma.  Hún er táknmynd hins sérstaka sambands milli okkar og Fraklands. Hún er varanlegt tákn frelsis.“