Mikið var um dýrðir á opinberrri minningarathöfn  um tónlistarmanninn Michael Jackson sem fram fór í Staples Center íþróttamiðstöðinni í Los Angeles í dag. Boðið var upp á ýmis tónlistaatriði og margir fluttu ávörpuðu samkomuna.

Gullslegin líkkista Jacksons, sem sögð er hafa kostað 25 þúsund dollara, stóð fyrir framan sviðið en í salnum voru um 20 þúsund manns.  Færri komust að en vildu innanhúss en talið er að 50.000 manns séu þar fyrir utan, að sögn Los Angeles Times, nokkuð færri en reiknað var með. 

Útför poppstjörnunnar fór fram í dag í Forest Lawn kirkjugarðinum í Hollywood, að hætti Votta Jehóva. Athöfnin var lokuð almenningi en fjölskyldan hélt rakleiðis þaðan í íþróttamiðstöðina.

Minningarathöfnin í Staples Center hófst með því að tónlistarmaðurinn Smokey Robinson las upp bréf frá söngkonunni Diana Ross og Nelson Mandela, fyrrverandi forseta Suður-Afríku og friðarverðlaunahafa Nóbels.

Meðal þeirra sem sungu voru Mariah Carey, Stevie Wonder og Lionel Ritchie.