Bjóða aftur 100% húsnæðislán

Fyrirhugað er að aflétta hömlum við 100% húsnæðislánum í Bretlandi. Rökin fyrir skrefinu eru þau að slík lán létti undir með nýjum kaupendum á erfiðum tímum. Teikn eru á lofti um að fasteignamarkaðurinn á Bretlandi sé að taka við sér og er bann við slíkum lánum talið hafa neikvæð áhrif á markaðinn.

Fjallað er um málið á vef breska dagblaðsins The Guardian en þar segir að Gordon Brown forsætisráðherra hafi fyrr á árinu viljað takmarka áhættusöm húsnæðislán þar sem innborgun var minna en tíundi hluti af verðmæti eignar.

Nú sé sú skoðun hins vegar að verða útbreidd í röðum breskra þingmanna að bann við slíkum lánum kunni að hafa neikvæð áhrif.

Ráðgjafar telji bannið munu geta komið í veg fyrir að ungir kaupendur ráðist í fasteignakaup.

Segir á vef blaðsins að þrátt fyrir verðfall á fasteignamarkaði reynist mörgum það erfitt að standa undir háum lánum, enda sé verðið enn hátt í hlutfalli við tekjur.

• 2 blogg um fréttina

Bloggað um fréttina

• Gregg Thomas Batson: It's Not Even Over and It's Starting Again!
• Einar Guðjónsson: Breskir bankar kunna að tapa