Ritstjóri dagsblaðsins Post í Sambíu, Chansa Kabwela, hefur verið handtekinn fyrir að dreifa klámi. Um er að ræða mynd af konu að fæða barn án læknishjálpar en þarlendir læknar fóru í verkfall í liðnum mánuði. Myndin hefur ekki birst í blaðinu en Kabwela gaf Sambískum kvennahreyfingum og skrifstofu varaforsteta landsins eintök.
„Hún hefur verið kærð og handtekin fyrir að dreifa klúrum myndum og ég vona að hún komi fyrir rétt á morgun,“ sagði Sam Mujuda, lögfræðingur Post.
Forseti Sambíu, Rupiah Banda, fyrirskipaði á blaðamannafundi í júní handtöku þess sem bæri ábyrgð á myndinni. Kabwela gaf sig fram við lögreglu í morgun og var yfirheyrð í yfir klukkustund. Hún virtist yfirveguð og róleg þegar hún var leidd í fangageymslu lögreglunnar í Lusaka.
Fjölskylda konunnar á myndinni sendi Post myndina umdeildu.