Wikipedia. Alfræðiorðabók á Netinu skrifuð af almenningi öllum. Golli / Kjartan Þorbjörnsson

Í dag notar yfir helmingur Evrópubúa netið reglulega, samkvæmt könnun sem birt var í morgun og vekur athygli á hinni nýju „stafrænu kynslóð“.

Samkvæmd skýrslu frá evrópsku framkvæmdastjórninni hefur orðið þriðjungs aukning á netnotkun frá árinu 2004 og fram á síðasta ár. Um helmingur heimila og rúm 80% fyrirtækja hafi nú aðgang að netinu. 

Áberandi mest notkun var í aldurshópnum, 24 ára og yngri en um 66% þeirra vafra daglega um vefinn á móti um 43% annarra Evrópusambandsbúa.

Í skýrslunni kemur fram að þrátt fyrir að þessi hópur sé mjög virkur á veraldarvefnum, þá er hann er ekki tilbúinn fyrir að borga fyrir þá þjónustu sem þar býðst. 

Um 73% þeirra í aldurshópnum 16-24 ára höfðu notað deilihugbúnað er ríflega helmingi yfir meðaltali í Evrópu.

Í skýrslunni er vakin athygli á því að yngra fólk ekki tilbúið  til að borga fyrir aðgengi að ýmsu efni á netinu, telji það eiga að vera annað hvort ókeypis eða innifalið í aðgangi að netinu. Þrátt fyrir það hafa rúmlega helmingi fleiri ungir notendur greitt fyrir aðgang að tónlist eða myndböndum en meðaltal þeirra sem nota netið í Evrópu. Þessi hópur sé tilbúinn til að borga meira fyrir þjónustu og gæði.