Mótmælendur fyrir utan Brorsons kirkjuna AHB

Per Ramsdal, prestur í Brorsons kirkju í Kaupmannahöfn, situr nú undir harðri gagnrýni vegna frásagna sinna af því er lögregla réðst inn í kirkjuna og handtók þar 17 íraska flóttamenn. Þetta kemur fram á fréttavef Jyllands-Posten.

Á meðal þeirra sem gagnrýnt hafa prestinn eru lögregluyfirvöld, Brian Mikkelsen dómsmálaráðherra, Birthe Rønn Hornbech kirkjumálaráðherra og Pia Kjærsgaard, formaður Danska þjóðarflokksins. Saka þau prestinn um að hafa sagt ósatt í frásögnum sínum af atburðunum í kirkjunni. 

Frásagnir Ramsdal af átökum og ringlulreið í kirkjunni stangast á við myndbandsupptökur sem lögregla hefur birt þar sem sjá má friðsamlegar handtökur Írakanna. Ramsdal sagði hins vegar viðtali við Ritzau fréttastofuna um klukkna fjögur um nóttina að flóttamennirnir hefðu hniprað sig saman við mynd af hinum krossfesta Kristi, kastað glösum og grátið og að einn þeirra hafi jafnvel hótað að kasta sér niður úr kirkjuturninum.

Frá kom í Jyllands-Posten strax eftir atburðina að Ramsdal hafi verið vakinn korteri eftir að lögregla réðst inn í kirkjuna um klukkan eitt aðfararnótt 13. ágúst og að lögregla hafi ráðið honum frá því að fara þangað.

Hann hafi þó gert það og komist inn. Þá hafi hins vegar verið liðin klukkutími frá því að aðgerðirnar hófust og aðstæður á vettvangi hafi því verið aðrar en við upphaf aðgerðanna er myndirnar voru teknar.

Ramsdal hefur nú ákveðið að ráðfæra sig við lögfræðing vegna ásakana yfirvalda með hugsanlega málshöfðun í huga.