Erlent | AFP | 9.9.2009 | 15:38

Lofa að framfylgja ekki dauðadómi yfir Norðmönnum

Norðmennirnir tveir, Tjostolv Moland og Joshua French fyrir herdómstóli í Kisangani í gær. Reuters

Stjórnvöld í Lýðveldinu Kongó hafa gefið norskum yfirvöldum vilyrði fyrir því að dauðadómi yfir tveimur norskum ríkisborgurum verði ekki framfylgt.

Tjostolv Moland, 28 ára og Joshua French, 27 ára eru báðir fyrrverandi liðsmenn úr norska hernum. Herdómstóli í Kongó dæmdi mennina til dauða í gær fyrir morð, njósnir og fleiri afbrot. Mennirnir voru sakfelldir fyrir morð á bílstjóra sínum en þeir segja sjálfir að uppreisnarmenn hafi myrt bílstjórann. Þá sakfelldi herdómstóll þá einnig fyrir ólöglegan vopnaburð, vopnað rán og tilraun til manndráps.

Jonas Gahr Støre, utanríkisráðherra Noregs, fordæmdi í gær niðurstöðu dómstólsins og sagði hann algerlega óviðunandi. Noregur væri alfarið andvígur dauðarefsingum. Sagðist ráðherrann myndu hafa samband við starfsbróður sinn vegna málsins.

Alexis Thambwe Mwamba, utanríkisráðherra Kongó, fullvissaði Støre í símtali í morgun um að dauðadómnum yrði ekki fullnægt undir neinum kringumstæðum, að sögn norska utanríkisráðuneytisins.

„Stjórnvöld í Kongó hafa með lagabreytingum lagt af dauðarefsingu þó líflátsdóma sé enn að finna í refsilögum,“ segir í yfirlýsingu norska utanríkisráðuneytisins.

Í yfirlýsingunni segir ennfremur að stjórnvöld í Kongó séu opin fyrir þeim möguleika að mennirnir afpláni hluta refsingar sinnar í Noregi.

Norsk stjórnvöld hafa vísað á bug ásökunum þess efnis að mennirnir tveir hafi stundað njósnir í þágu Noregs en stjórnvöld í Kongó krefjast 60 milljóna dollara í skaðabætur vegna meintra njósna eða sem nemur tæplega 7,5 milljörðum króna.

Að sögn norskra fjölmiðla hafa mennirnir tveir áfrýjað niðurstöðu herdómstólsins.

Jonas Gahr Støre, utanríkisráðherra Noregs, mun þinga með Alexis Thambwe Mwamba, utanríkisráðherra Kongó um mál Norðmannanna tveggja, í tengslum við fund allsherjarnefndar Sameinuðu þjóðanna í New York síðar í mánuðinum.

Jonas Gahr Støre, utanríkisráðherra Noregs. mbl.is/Brynjar Gauti

Erlent »

Egyptar kjósa sér forseta

07:32 Kosningum var framhaldið í Egyptalandi í dag en í gær hófust forsetakosningar í landinu. Er þetta í fyrsta sinn sem Egyptar fá tækifæri til að kjósa sér leiðtoga með lýðræðislegum hætti. Meira

Víðtækt verkfall í Noregi

07:16 Talið er að um 25 þúsund opinberir starfsmenn taki þátt í verkfalli sem hófst í Noregi í morgun eftir að viðræður milli starfsmanna ríkis og bæja við hið opinbera runnu út í sandinn í nótt. Meira

400 handteknir í mótmælum

07:10 Kanadíska lögreglan handtók um fjögur hundruð manns í Montreal í nótt en fólkið tók þátt í mótmælum námsmanna í borginni. Mótmælendur köstuðu grjóti í lögreglu en víðtæk mótmæli námsmanna hafa sett svip sinn á Quebec ríki undanfarna mánuði. Meira

Systur handteknar fyrir barnaníð

06:22 Tvær ástralskar ungar konur, sem segjast vera systur, voru handteknar í dag grunaðar um að renna barnavændishring í Sydney. Eiga þær að hafa selt út barnungar stúlkur til karla en einhverjar stúlknanna voru heimilislausar. Meira

Gróft einelti í sænskum heimavistarskóla

Í gær, 23:20 Fyrrverandi nemendur við virtan heimavistarskóla í Svíþjóð, Lundsberg, sögðu frá reynslu sinni af veru í skólanum í fréttaskýringaþætti í sænska ríkissjónvarpinu sem sýndur var í kvöld en þeir urðu fyrir grófu einelti þegar þeir voru stunduðu nám við hann. Meira

Fellibylurinn Bud nálgast land

06:36 Von er á fyrsta fellibyl tímabilsins, Bud, yfir suðvesturströnd Mexíkó, samkvæmt upplýsingum frá fellibyljamiðstöð Bandaríkjanna. Meira

Evruskuldabréf aftur á dagskrá

Olli Rehn, yfirmaður efnahagsmála í framkvæmdastjórn ESB.

Í gær, 23:50 Framkvæmdastjórn Evrópusambandsins ætlar innan skamms að setja fram áætlanir um að breyta sambandinu í efnahagslegt og pólitískt samband sem sé nauðsynleg forsenda þess að hægt verði að setja á laggirnar svonefnd evruskuldabréf. Meira

Hótuðu að halda barninu eftir

Frá Aþenu, höfuðborg Grikklands. Úr myndasafni.

Í gær, 22:41 „Gríska þjóðin hefur lagt mikið á sig. En hún þarf að gera meira,“ sagði Cristine Lagarde, framkvæmdastjóri Alþjóðagjaldeyrissjóðsins, í samtali við breska ríkisútvarpið BBC. Meira

Olía alls ekki að ganga til þurrðar

Norskur olíuborpallur á Snorra-svæðinu í Norðursjó.

Í gær, 21:57 Ekkert land í heiminum dældi upp meiri olíu og gasi í fyrra en Norðmenn. Norska ríkisolíufélagið Statoil er það fyrirtæki heims sem vinnur mest magn olíu. Meira

Sprengjukona ekki ákærð

Í gær, 20:49 Frönsk kona, sem fullyrti að hún væri með sprengibúnað græddan í sig er hún var um borð í bandarískri flugvél í gær, verður ekki ákærð fyrir tiltækið. Meira

Hælisleitendur í hungurverkfalli

Stefánskirkjan á Norðurbrú í Kaupmannahöfn þar sem fjöldi hælisleitanda í hungurverkfalli hafast við.

Í gær, 21:15 Á sjöunda tug hælisleitenda í Danmörku er í hungurverkfalli og þeim fjölgar stöðugt. Fólkið er búsett í flóttamannamiðstöðvum víða um landið og þeir sem lengst hafa svelt sig hafa ekkert borðað í þrjár vikur. Stór hópur þeirra heldur til í Stefánskirkjunni á Norðurbrú í Kaupmannahöfn. Meira

Undirbúi sig fyrir grískt brotthvarf

Í gær, 20:12 Forystumönnum evruríkja hefur verið ráðlagt af háttsettum embættismönnum hjá Evrópusambandinu að undirbúa sig fyrir það ef til þess kemur að Grikkland yfirgefi evrusvæðið. Meira

Romney lofar minna atvinnuleysi

Í gær, 19:57 Mitt Romney, forsetaframbjóðandi Repúblikanaflokksins, lofar því að nái hann kjöri muni atvinnuleysi fara niður í 6%. Hann lofar víðtækum breytingum í viðskiptalífinu og gagnrýnir Obama forseta harðlega fyrir að hafa ekki tekið nægilega vel á málum. Meira

Segir nektardansstaði stuðla að kynferðisafbrotum

Í gær, 17:11 Lögreglustjóri breska ferðamannabæjarins Newquay hefur valdið miklu fjaðrafoki með fullyrðingum sínum þess efnis að nektardansstaðir í bænum hafi „stuðlað“ að 14 nauðgunum og 34 kynferðisafbrotum á síðustu tveimur árum. Meira

Segja Watson fá réttláta meðferð

Í gær, 15:41 Paul Watson, stofnandi samtakanna Sea Shepherd, fengi sanngjarna málsmeðferð ef hann yrði framseldur til Kosta Ríka. Framsals hans þangað er krafist, en hann er sakaður um að hafa truflað þar hákarlaveiðar og reynt að myrða einn veiðimannanna. Watson var handtekinn í Þýskalandi í síðustu viku. Meira

Vill skera upp herör gegn mafíunni

Í gær, 19:24 „Ítalir þurfa að berjast miskunnarlaust gegn mafíunni.“ Þetta sagði forsætisráðherra Ítalíu, Mario Monti, í borginni Palermo á Sikiley í dag þar sem þúsundir komu saman til að minnast dómarans Giovanni Falcone sem myrtur var af ítölsku mafíunni. Meira

Eitrað fyrir skólastúlkum í Afganistan

Talíbanar eru mótfallnir menntun kvenna.

Í gær, 15:55 Yfir 120 stúlkur og þrír kennarar voru lögð inn á spítala í Afganistan eftir að eitruðum úða var sprautað inn í Bibi Hajera stúlknaskólann í borginni Talokhan. Meira

Meirihluti Bandaríkjamanna hlynntur hjónabandi samkynhneigðra

Í gær, 15:11 Meirihluti Bandaríkjamanna er hlynntur lögleiðingu hjónabands samkynhneigðra, þetta er niðurstaða nýrrar skoðanakönnunar sem gerð var fyrir fjölmiðlana Washington Post og ABC News. Meira