Hryðjuverkahætta í Danmörku

Átta ár eru liðin á morgun frá hryðjuverkaárásunum á New ...
Átta ár eru liðin á morgun frá hryðjuverkaárásunum á New York og Washington. AP

Yfirmaður dönsku leyniþjónustunnar segir, að sífellt alvarlegri hryðjuverkahótanir beinist nú gegn Danmörku, raunar jafn alvarlegar og gegn Bandaríkjunum og Ísrael. Segir hann áhrif skopmyndamálsins svonefnda langvinn.

Fréttavefur Berlingske Tidende hefur eftir Jakob Scharf, forstjóra upplýsingaþjónustu dönsku lögreglunnar, PET, að nú átta árum eftir hryðjuverkaárásirnar á Bandaríkin sé full ástæða til að hafa áhyggjur af því að hryðjuverkamenn reyni aðgerðir gegn Dönum.

Hann segir að skopmyndirnar af Múhameð spámanni, sem birtust í danska blaðinu Jyllands-Posten árið 2005, hafi enn mikil áhrif á herskáa íslamista. Í upphafi ársins hafi hótanir gegn Danmörku aukist mikið og þótt heldur hafi dregið úr þeim nú sé ástæða til að hafa áhyggjur.  

„Þessar hótanir eru alvarlegar. Margir hryðjuverkahópar reyna að taka upp nánari samvinnu við al-Qaeda og á sama tíma hafa leiðtogar al-Qaeda sagt að Danmörk sé hugsanlegt skotmark. Þeim yfirlýsingum var ekki ætlað að ná aðeins eyrum íslamista í Danmörku heldur í öllum  heiminum," segir Scharf.  

Blaðið hefur einnig eftir Magnus Ranstorp hjáDet Svenske Forsvarsakademi, að Danmörk sé ofarlega á óvinalista al-Qaeda, aðallega vegna Múhameðsteikninganna.  „Al-Qaeda lítur á teikningarnar sem tákn fyrir auðmýkingu múslima og  móðgun gegn íslamstrú," segir hann.  

mbl.is

Bloggað um fréttina

Frá Sýrlandi til Evrópu - Greinaflokkur

Volvo Penta kad 32 til sölu
Volvo Penta kad 32 170 hp með dp drifum árg. 2000. Vélar í toppstandi, gangtímar...
Honda CR-V 2005
Honda CR-V árg 2005 - bensín - ekinn 221.000 km - fjórhjóladrifin - beinskiptur ...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
 
Samkoma
Félagsstarf
Söngsamkoma kl. 20 í Kristni- boðssalnu...
Deiliskipulag
Tilkynningar
Skútustaðahreppur Auglýsing um deilis...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Arkitekt/byggingafræðingur
Sérfræðistörf
VIÐ ERUM AÐ RÁÐA! ARKITEKT // BYGGIN...