Miklu færri hjartatilfelli í kjölfar reykbanns

Samkvæmt nýrri skýrslu, sem kynnt var á ráðstefnu hjartasérfræðinga í Brussel í Belgíu í dag, hafa strangari reglur um reykingar fækkað hjartatilfellum í Evrópu umtalsvert.

Í Frakklandi fækkaði bráðainnlögnum vegna hjartatilfella um 15 prósent ári eftir að reykingar voru bannaðar á opinberum stöðum. Árangurinn í kjölfar reykbanns á Ítalíu, sem tók gildi 2005, er svipaður en þar fækkaði bráðahjartatilfellum  um 11,2 prósent.

Reykbann á Írlandi tók gildi 2004. Þar fækkaði bráðainnlögnum vegna hjartatilfella um 11 prósent næsta árið. Tilfellunum hélt áfram að fækka þarnæsta ár.

Í Skotlandi, þar sem reykbann tók gildi 2006, fækkaði innlögnum vegna hjartatilfella um 17 prósent árið á eftir.

• 3 blogg um fréttina

Bloggað um fréttina

• Brjánn Guðjónsson: Hjartatilfellum fækkar
• Ólafur Þórðarson: Nú er að snúa sér að einkabílnum og reiðhjólunum.
• Bryndís Svavarsdóttir: Einu sinni reykti ég...