Franskir mjólkurframleiðendur samþykktu fyrir helgi að efna til mjólkurverkfalls sem standi um óákveðinn tíma. Þeir hafa hvatt bændur í öðrum löndum Evrópusambandsins til að slást í lið með sér. Bændurnir segja betra að hella mjólkinni niður en að gefa hana.  Verð á mjólk hefur lækkað mikið að undanförnu vegna minnkandi eftirspurnar, en minnkandi eftirspurn má rekja til versnandi efnahags. Verð á mjólk hækkaði mikið þegar efnahagslífið var í uppsveiflu. Árið 2007 fengu bændur 30-40 evrusent fyrir lítrann, en hann er núna kominn niður undir 20 sent.
 Nokkur hundruð evrópska bændur hittust í París á fimmtudag til að samræma mótmælaaðgerðir, en samtök evrópskra mjólkurframleiðenda (EMB), taka þátt í þeim eru um þriðjungur framleiðenda mjólkurafurða í Evrópu.

"Ég kalla á alla franska og evrópska framleiðendur til að hætta að senda frá sér mjólk eftir þessar kvöldmjaltir," sagði Pascal Massol, forseti franska sjálfstæðra mjólkurframleiðenda (APLI) eftir fundinn.

Þýskir og hollenskir mjólkurframleiðendur segjast styðja franska kúabændur, en segjast ekki hafa lagaheimild til að fara í mjólkurverkfall.
Franskir bændur ákváðu að boða mjólkurverkfall eftir að ráðherrafundur Evrópusambandsins náði ekki samkomulagi um að auka styrki við mjólkuriðnaðinn.

ESB hefur samþykkt að aflétta framleiðslukvótum í mjólkurframleiðslu um eitt prósent á ári og afnema þá með öllu 2014-2015.