Erlent | AFP | 17.9.2009 | 7:13 | Uppfært 15:34

Hætt við eldflaugastöðvar

Wall Street Journal greinir frá því að bandarísk stjórnvöld hafi ákveðið að hætta við að setja upp varnareldflaugar í Austur-Evrópu. Rússar telja það vera „góðar fréttir“, að því er AFP fréttastofan hefur eftir rússneskum embættismanni.

Wall Street Journal segir að yfirvöld í Washington ætli að leggja áform um eldflaugastöðvar í Póllandi og Tékklandi á hilluna. Áætlanir um eldflaugastöðvarnar ollu mikilli spennu milli Rússa og Bandaríkjamanna.

„Ef Bandaríkin ætla raunverulega að hætta við áform sín um að setja upp stöðvar varnareldflauga í Póllandi og Tékklandi, þá eru það auðvitað góðar fréttir,“ sagði heimildarmaður í rússneska utanríkisráðuneytinu við Interfax fréttastofuna.

Wall Street Journal segir að ákvörðunin verði tilkynnt eftir að 60 daga endurskoðun sem Barack Obama forseti fyrirskipaði. Hann snýr því við áætlunum forvera síns George W. Bush.

„Við væntum þess að áhyggjur okkar verði teknar til greina í endurskoðuninni,“ sagði heimildarmaðurinn við Interfax.

Stjórnvöld í Moskvu lýstu oft óánægju sinni með áformin og sögðu að eldflaugastöðvarnar ógnuðu þjóðaröryggi Rússa. Málið setti strik í reikning annars batnandi samskipta þjóðanna.

Bandaríkjamenn höfðu sagt að áform þeirra um að byggja ratsjárstöð í Tékklandi og að setja upp varnareldflaugar í Póllandi væru til að bregðast við eldflaugaógn frá löndum á borð við Íran.

Erlent »

Öryggisráðið fordæmir stjórn Sýrlands

Í gær, 21:54 Öryggisráð Sameinuðu þjóðanna samþykkti í kvöld ályktun, þar sem sýrlenska ríkisstjórnin er harðlega fordæmd fyir aðild sína að fjöldamorðunum í bænum Houla í Sýrlandi. Ráðið krefst þess að þeir sem beri ábyrgð á ódæðisverkunum verði látnir svara til saka. Meira

Kenna eftirlitsmönnum SÞ um

Í gær, 21:40 Ban Ki-moon, framkvæmdastjóri Sameinuðu þjóðanna, segir að fjöldamorðin í bænum Houla í Sýrlandi í gær auki mjög þrýsting á þá eftirlitsmenn SÞ sem eru í landinu. Þeim hefur verið legið á hálsi fyrir að hafa ekki staðið sig sem skyldi í eftirlitshlutverki sínu. Meira

Getur ekki útskýrt verknaðinn

Í gær, 21:27 Finnski skotmaðurinn, sem myrti tvö ungmenni í bænum Hyvinkää í Finnlandi í fyrrinótt, segist iðrast gjörða sinna en getur enga grein gert fyrir þeim. Meira

Héldu stúlku sem þræl í átta ár

Í gær, 20:21 Bosnísk hjón héldu þýskri stúlku sem þræl í átta ár, lokuðu hana inni og meinuðu henni að umgangast annað fólk. Stúlkan, sem er 19 ára, er nú undir læknishendi. Meira

Rússar efast um sekt stjórnarinnar

Í gær, 19:05 Rússnesk yfirvöld segjast efast um að sýrlensk stjórnvöld beri ábyrgð á fjöldamorðunum í bænum Houla í gær, en þar létust 116 manns, þar af fjöldi barna. 300 eru særðir. Meira

Fimm létust í loftárás

Í gær, 21:17 Að minnsta kosti fimm pakistanskir uppreisnarmenn létu lífið í loftárás bandaríska hersins sem gerð var skammt frá landamærum Pakistans að Afganistan, í Waziristan-héraði þar sem talibanar og hryðjuverkasamtökin al-Qaeda eru með umfangsmikla starfsemi. Meira

Þeir sem ekki reykja fá meira frí

Í gær, 19:20 Sífellt fleiri atvinnurekendur í Noregi veita þeim starfsmönnum sínum sem ekki reykja aukafrídaga. Heilbrigðisráðherra Noregs, Anne-Grete Strøm-Erichsen, segist styðja tiltækið. Meira

Danir hafa áhyggjur af spekileka

Í gær, 18:49 Á hverju ári flytja rúmlega 20.000 Danir úr landi til náms eða starfa og sífellt fleiri vel menntaðir Danir kjósa að snúa ekki aftur til síns heima. Flestir þeirra eru verkfræðingar. Meira

Í facebookstríði við Lagarde

Grikkir eru Christine Lagarde, framkvæmdastjóra AGS, sárreiðir vegna ummæla hennar um skuldavanda Grikklands.

Í gær, 18:29 Grikkir eru Christine Lagarde, framkvæmdastjóra Alþjóðagjaldeyrissjóðsins, ævareiðir vegna ummæla hennar um að hún velti því fyrir sér hvers vegna þeir væru svo fúsir til að komast hjá því að greiða skatta. Grískur almenningur hefur herjað á Lagarde á samskiptasíðunni Facebook í dag. Meira

Fundu líkin eftir sjö vikur í snjó

Frá björgunaraðgerðum í Siachen Glacier í Kasmírhéraði í Pakistan.

Í gær, 17:16 Björgunarsveitir í Pakistan komust loksins að herbúðum á Siachen-jökli í hinu fjalllenda Kasmírhéraði, þar sem snjóflóð féll fyrir meira en sjö vikum. Björgunarmennirnir þurftu að grafa göng í gegnum geysiháa snjóskafla með aðstoð stórvirkra vinnuvéla. 140 manns létust í flóðinu. Meira

Segjast ekki bera ábyrgð

Damascus 'not responsible' for Houla massacre

Í gær, 17:37 Sýrlensk stjórnvöld hafna fullyrðingum um að þau beri ábyrgð á dauða rúmlega 90 óbreyttra borgara sem voru myrtir í bænum Houla í gær. Þriðjungur þeirra látnu er börn. Meira

Var í skóla með fórnarlömbunum

Víða var flaggað í hálfa stöng í Finnlandi í dag vegna morðanna.

Í gær, 16:20 Maðurinn, sem skaut á hóp fólks í bænum Hyvinkää í Finnlandi í fyrrinótt og myrti tvö ungmenni, var kunnugur þeim. Hann gekk í sama skóla og þau tvö sem hann myrti, en var hættur í skóla fyrir nokkru. Meira

Stokkhólmur, Gautaborg eða Malmö?

Loreen hin sænska sem vann Evróvisjónkeppnina í gær.

Í gær, 16:02 Borgaryfirvöld í Stokkhólmi, Gautaborg og Malmö hafa öll lýst sig reiðubúin til að halda Evróvisjónkeppnina á næsta ári, en hún verður haldin 18. maí. Keppnin var síðast haldin í Svíþjóð fyrir 12 árum og þá var hún í Stokkhólmi, í tónleika- og íþróttahöllinni Globen. Meira

Sænskur unglingur varð fyrir skoti í Tyrklandi

Í gær, 15:23 17 ára sænskur drengur var skotinn í bakið síðastliðinn þriðjudag þegar hann var á ferðalagi í Tyrklandi með fjölskyldu sinni. Hann lá á sólbekk við sundlaug þegar hann varð fyrir skotinu og var í kjölfarið fluttur í skyndi á sjúkrahús í borginni Antalya þar sem fjölskyldan var í fríi og undirgekkst uppskurð sem tókst vel. Meira

Lady Gaga aflýsir tónleikum í Jakarta

Í gær, 13:18 Lady Gaga hefur aflýst fyrirhuguðum tónleikum í Jakarta, höfuðborg Indónesíu, í kjölfar hótana öfgafullra íslamista um að öryggi hennar og tónleikagesta yrði ógnað færu þeir fram. Meira

Vandi skekur Vatíkanið

Í gær, 15:55 Páfagarður reynir enn að finna út hver standi á bak við umfangsmikinn leka á upplýsingum úr Vatíkaninu undanfarið. Trúnaðarskjölum um viðkvæm mál er varða kirkjuna hefur markvisst verið lekið í fjölmiðla og hafa menn nú þegar verið handteknir án þess að vitað sé með nokkurri vissu hver sé sökudólgurinn. Meira

Hvetur til frelsisstríðs

Í gær, 15:12 Burhan Ghalioun, formaður Sýrlenska þjóðarráðsins, hvatti í dag til „frelsisstríðs“ gegn ríkisstjórn landsins, sem yrði háð þar til Sameinuðu þjóðirnar grípa til aðgerða. SÞ hefur heimild til hernaðarumsvifa vegna ákvæða svokallaðs sjöunda kafla. Meira

Blóðbaðsins minnst

Frá Torgi hins himneska friðar, Tianamen torgi, í Peking í dag.

Í gær, 12:48 Hundruð lýðræðissinna fylktu liði í Hong Kong í dag til að minnast þess að 23 ár eru senn liðin frá því mótmæli stúdenta á Torgi hins himneska friðar í Peking voru brotin á bak aftur af stjórnvöldum. Meira