Silvio Berlusconi Reuters

Haft er saksóknaranum í Bari að hann hafi verið handtekinn þar sem bæði var talin hætta á að hann myndi flýja og eyðileggja sönnunargögn.

Fylgst hefur verið með bæði Tarantini og bróður hans  undanfarna mánuði vegna gruns um spillingu. Við símahleranir vaknaði grunur um bæði fíkniefnasölu og milligöngu um vændi. Þar mátti meðal annars heyra Tarantini bjóða fylgdarkonum greiðslu fyrir að gista heima hjá Berlusconi í Róm og á Sardiníu.

Fylgdarkonan Parizia D’Addario hefur haldið því fram að hafa tvívegis eytt nótt með Berlusconi, gegn því að fá greiddar 2.000 evrur fyrir skiptið og hún hafi einnið tekið upp samskipti þeirra. Berlusconi hefur ávallt neitað því að hafa greitt fyrir mök með þeim orðum að “einhver hafi séð þessari D’Addario fyrir mjög nákvæmri og vel launaðri sendiför.”

Tarantini er segist hafa séð Berlusconi fyrir alls 30 konum til að mæta í 18 veislur á hans vegum, þar áttu þar að vera tilbúnar til að þjónusta gesti “ef þörf krefði.” Sagði Tarantino sumar aðeins hafa fengið greiddan kostnað á meðan aðrar fengu greiddar 1.000 evrur fyrir “þjónustuna”.

Tarantini segist hafa langað til að hitta Berlusconi forsætisráðherra og hafi kostað miklu til að vera í sambandi við hann, þar sem Tarantini vissi hvernig konur féllu best að hans smekk. Tarantini segist stundum hafa heimsótt Berlusconi í fylgd með ungum konum sem hann vissi að féllu að hans smekk og látið ósagt að hann hafi jafnvel borgað þeim fyrir fylgdina.

Berlusconi hefur fengið sinn skerf af hneykslismálum eftir að kona hans sótti um skilnað í maí, í kjölfar þess að hann fór í 18 ára afmælisveislu ungrar fyrirsætu. Þau hafa  ávallt neitað því að hafa átt í kynferðislegu sambandi en hneykslismálin eru sögð vera farin að hafa áhrif á vinsældir forsætisráðherrans.