Rússneskur dómstóll dæmdi í dag hóp ungmenna fyrir hrottafengnar árásir á útlendinga í Moskvu á síðasta ári. Sautján ára gömul stúlka og leiðtogi hópsins, Jevgenia Zhikhareva, fékk átta ára fangelsisdóm en nítján ára gamall piltur, Ilya Shutko, var dæmdur í tíu ára fangelsi.

Einungis hluti þeirra sem dæmdur var fyrir árásirnar er orðinn lögráða en í átján ára miðast lögræði við átján ára aldur. Shutko, sem hlaut þyngstu refsinguna ásamt Alexander Efimov, var á síðasta ári dæmdur í 7,5 árs fangelsi fyrir morð á skákmeistara frá Jakútía-héraði. 

Zhikhareva er einnig grunuð um aðild af nokkrum sprengjutilræðum í Moskvu í fyrra og í ár, þar á meðal nokkrar sem hefur verið beint að veitingastöðum McDonalds. Jafnframt voru liðsmenn hópsins ásakaðir um fjórar morðtilraunir og eitt morð á fólki frá Kína, Kýrkistan og Úsbekistan.

Árásir á útlendinga hafa aukist gríðarlega í Rússlandi og kynþáttahatur af sama skapi. Frá því um miðjan janúar þar til um miðjan september voru 53 myrtir og 218 slasaðir í ofbeldisverkum tengdum kynþáttahatri. Flestir þeirra í Moskvu.