Íhaldsflokkurinn vinnur að því að sprengja Lissabon sáttmála
Breski Íhaldsflokkurinn vill ekki sjá Lissabon sáttmálann Reuters
Breski Íhaldsflokkurinn, sem nú situr í stjórnarandstöðu, varaði í dag við því að haldin yrði þjóðaratkvæðagreiðsla í Bretlandi, um Lissabon sáttmálann á næsta ári, komist flokkurinn til valda og sáttmálinn hafi ekki verið fullgiltur af Vaclav Klaus, Tékklandsforseta sem er sagður hafa miklar efasemdir um Evrópusambandið.
Lissabon
sáttmálinn er í raun nýr stjórnarsáttmáli Evrópusambandsins þar sem meðal annars
ákvarðanataka er einfölduð í ákveðnum málaflokkum og valdsvið ESB er gert
skýrara. Aðildarríkin þurfa öll að samþykkja sáttmálann svo hann taki gildi.
Leiðtogi Íhaldsmanna, David Cameron, sem er almennt talinn muni bola Gordon Brown forsætisráðherra Breta frá í næstu kosningum. er sagður hafa skrifað Klaus bréf þess sem talið er geta sprengt sprengt sáttmálann. Þar komi fram að komist Íhaldsmenn til valda muni flokkurinn halda þjóðaratkvæðagreiðslu þar sem breska þjóðin yrði hvött til að hafna Lissabon sáttmálanum. Sagði Cameron að þar sem enn væri ekki búið að fullgilda sáttmálann í öllum aðildarlöndum ESB, væri rétt að leiðtogar þeirra vissu hvað íhaldsstjórn myndi gera í slíkri stöðu. Væri sáttmálanum hafnað af Bretum markaði það endalok hans.
Það hefur enda sýnt sig í breskum skoðanakönnunum að Bretar hafi andúð á sáttmálanum og séu ólíklegir til að samþykkja sáttmálann, sem sé í raun aðeins nýtt nafn yfir ESB stjórnarskrána sem þeir höfnuðu áður.
Írar ganga til þjóðaratkvæðagreiðslu um sáttmálann þann 2. október og virðist þjóðin nú helmingaskipt í afstöðu sinni til hans. Evrópuleiðtogar vonast eftir að Írar hafi nú skipt um skoðun eftir að hafa hafnað sáttmálanum á síðasta ári.
Samþykki Írar sáttmálann, þarf Klaus Tékklandsforseti, samt sem áður að fullgilda sáttmálann með undirskrift sinni, þó hann hafi verið samþykktur af tékkneska þinginu. Hann gæti hins vegar frestað undirritun sinni til að sjá hvernig Bretar afgreiða sáttmálann
Horst Koehler, forseti Þýskalands undirritaði Lissabon sáttmálann í dag og þá eiga aðeins Bretland Írland, Pólland og Tékkland eftir að undirrita hann af 27 löndum ESB. Þau tvö síðastnefndu segjast ekki gera það fyrr en Írland hefur gefið grænt ljós á samninginn.
