Úr myndasafni

Kona í Indónesíu ól á mánudag dreng en hann er stærsta barn sem fæðst hefur í landinu. Drengurinn vó 8,7 kíló eða 34,8 merkur og mældist 62 sentímetra langur.

Móðirin var gengin 9 mánuði og var flutt í skyndingu á spítala þar sem drengurinn var tekinn með keisaraskurði.

„Aðgerðin var erfið vegna stærðar barnsins og það var ekki auðvelt ná honum úr móðurkviði, fætur barnsins voru svo stórir,“ sagði Binsar Sitanggang, kvensjúkdómalæknir sem tók á móti drengnum.

Móður og barni heilsast að sögn lækna vel en þó þarf að gefa drengnum súrefni reglulega.

„Hann hefur ótrúlega góða matarlyst og kallar stöðugt eftir brjóstinu. Drengurinn er einstakur. Grátur hans er ekki venjulegur ungbarnagrátur, hávaðinn er slíkur,“ sagði Binsar Sitanggang, kvensjúkdómalæknir.

læknar telja líklegt að stærð drengsins megi rekja til sykursýki móðurinnar. Hún er 41 árs og risadrengurinn er fjórða barn hennar. hún fæddi hin börnin þrjú á eðlilegan hátt með aðstoð ljósmóður.

Kona í nágrenni Jakarta ól árið 2007 barn sem vó 6,9 kíló eða 27,6 merkur. Í heimsmetabók Guinnes segir að stærsti nýburi heims hafi fæðst í Canada árið 1879. Þá ól Anna Bates rúmlega sem vó 12,5 kíló eða 42 merkur.