Hótar að svara að sjómannasið

Krónan hraðar endurreisn efnahagslífsins, að mati Ambrose Evans-Pritchard, viðskiptaritstjóra The ...
Krónan hraðar endurreisn efnahagslífsins, að mati Ambrose Evans-Pritchard, viðskiptaritstjóra The Daily Telegraph, mbl.is/Guðmundur Rúnar

Ambrose Evans-Pritchard, viðskiptaritstjóri The Daily Telegraph, hótar því að svara „að sjómannasið“ þeim sem enn einu sinni líkja hruni íslensku krónunnar við stórslys í hans eyru. Evans-Prichard skrifaði pistil í blað sitt í tilefni þess að hætt verður að selja hamborgara undir merkjum McDonald's hér á landi.

Evans-Pritchard segir að Evrópuunnendur bendi á Ísland sem viðvörun um hvernig litlu opnu hagkerfi reiði af í ólgusjó alþjóðlegrar efnahagskreppu utan friðarhafnar evrópska myntbandalagsins (EMU). Þeir geri mikið úr ákvörðuninni um að loka McDonald's á Íslandi.

En Evans-Pritchard segir að Ísland muni bjarga sér án McDonald's. Hann bendir á að raunveruleg ástæða þess að veitingastaðirnir slitu tengslin við sérleyfiskeðjuna sé að samkeppnisstaða þeirra við aðra skyndibitastaði sem kaupi innlend aðföng hafi skekkst.  McDonald's hafi þurft að flytja aðföng inn frá Þýskalandi.

Hann vitnar raunar í ljúffengar kjötsamlokur sem seldar eru í miðbæ Reykjavíkur, og hann smakkaði í ágúst, máli sínu til sönnunar.

„Veika krónan er að gera nákvæmlega það sem hún ætti að gera,“ skrifar Evans-Pritchard. Útflutningur frá Íslandi sé  að rétta úr kútnum og vörur framleiddar á Íslandi séu að koma í stað innflutnings í stórum stíl.

Hann segir að höggvara áhrif krónunnar séu töfrum líkust. „Ef ég heyri enn einn segja að hrun íslensku krónunnar hafi verið stórslys, held ég að ég kýli hann,“ skrifar Evans-Pritchard í gamansömum tón.

Síðan bendir hann á að efnahagur Íslands sé að rétta hraðar úr sér en segja megi um efnahaginn á Írlandi, í Lettlandi og Litháen. Síðasttöldu löndin séu öll í viðjum fastgengis - innan eða utan evru. Hann telur að áhrif þessa komi enn betur í ljós á næstu tveimur árum.

Fréttin um lokun McDonald's veitingastaðanna hér á landi hefur flogið um heimsbyggðina. Í morgun mátti sjá á forsíðum margra vefmiðla sagt frá því að nú standi til að loka McDonald's á Íslandi.

mbl.is

Frá Sýrlandi til Evrópu - Greinaflokkur

Giftingar- og trúlofunarhringar frá ERNU
Handsmíðuð hringapör úr silfri með alexandrite-steini sem gefur mikið litaflóð. ...
Stofuskápur úr furu til sölu.
Skápur úr furu ,hentar vel í sumarbústaðinn 9000 þúsund kr., hæð 200 cm, breidd...
Fágæt tímarit til sölu, Birtingur, Jökull, Líf og list o.fl.
til sölu nokkur fágæt tímarit, Jökull, tímarit jöklarannsóknarfélagsins 1-47 á...
ÚTI HRINGSTIGAR
Vantar stiga af svölunum ofan í garðinn ? Hringstigar 120, 140 og 160 cm þvermá...
 
Félagsstarf
Staður og stund
Árskógar Hádegismatur, mexíkanskur hakkr...
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...
Háseti
Sjávarútvegur
Háseti Vísir hf óskar eftir a...
Framhald uppboðs
Nauðungarsala
Uppboð Einnig birt á www.naudungarsolu...