Mark Okoth Obama Ndesandjo BOBBY YIP

Mark Ndesandjo, hálfbróðir Baracks Obama Bandaríkjaforseta, hefur nú gefið út bókina ,,Frá Nairobi til Shenzhen". hann hefur lengi búið í borginni Shenzhen í Kína en bjó upphaflega í Nairobi í Keníu.

Hann kveðst hafa skrifað bókina eftir að keðja ótrúlegra atburða, þar á meðal forsetakjör bróður hans, hafi þvingað hann til að horfast í augu við fortíð sína.

,,Faðir minn barði mig. Hann barði móður mína. Maður gerir bara ekki svoleiðis," sagði hann blaðamönnum á fundi í Suður-Kína í dag. ,,Ég man í húsinu okkar heyrði ég oft öskur. Ég heyrði í sársauka móður minna. Sem barn gat ég ekki verndað hana," sagði hann tárvotur. ,,Ég gat ekki munað neitt gott um föður minn. Ég var kominn með harðan skráp eftir öll þessi ár."

Foreldrar Obama skildu þegar hann var aðeins tveggja ára gamall. Obama hefur stundum gert að umtalsefni þau vandamál sem börn stríða við þegar þau alast upp án föður síns. Ndesandjo, sem er sonur föður Obama og þriðju eiginkonu hans, Ruth Nidesand, hefur forðast fjölmiðlana hingað til, frá því að upplýst var um tilvist hans á meðan Obama var að berjast um forsetaembættið við John McCain.

Hann hafði aldrei notað nafnið Obama og ekki sagt nánum vinum sínum að hann væri bróðir forsetans fyrr en sagt var frá því í fjölmiðlum. En nú notar hann nafnið á bókinni sinni. Mark Okoth Obama Ndesandjo.

,,Ég hafði loka svo margt út úr lífi mínu, þar á meðal Obama nafnið," sagði hann og rifjaði upp sigurkvöld bróður síns. ,,Ég sá alla vonina og gleðina í augum fólksins og varð svo stoltur af bróður mínum Barack. Það fjarlægði skrápinn sem ég hafði falið mig á bak við í svo mörg ár."