AP

Á tveimur árum hefur Mont Blanc, sem er hæsti tindur Vestur-Evrópu, hefur minnkað um 45 cm. Þetta segja sérfræðingar sem hafa stundað mælingar í Ölpunum.

Fjallið mælist nú vera 4.810,45 metra hátt. Það liggur á landamærum Frakklands, Ítalíu og Sviss. Mont Blanc er rétt rúmlega hálfdrættingur á við Everest-fjall í Nepal, sem er hæsta fjall í heimi.

Þá segja vísindamenn að snjór og ís efst á tindinum hafi minnkað sem nemur einum tíunda. Staðfræðingurinn (e. topographer) Bernard Dupont segir að ekki sé hægt að tengja þetta með beinum hætti við loftlagsbreytingar.

Dupont segir mælikvarðar, sem séu notaðir til að mæla eða gefa vísbendingar um loftlagsbreytingar, geti aðeins gefið raunsæja mynd með því að bera saman breytingar yfir minnst 30 ára tímabil. Þá segir hann að hitastig íss og magn úrkomu neðar í fjallinu, eða um það bil í 3.000 metra hæð, gefi mönnum betri hugmynd um breytingarnar.

Þá kom í ljós að tindurinn hafi færst um 26 metra í áttina að Ítalíu. Hann er hins vegar enn á frönsku landsvæði.

Þá segir að kort, ferðabækur og skólabækur verði brátt uppfærðar með þessum nýju upplýsingum.