Kona við hús sitt í Vestur-Sahara. Landið er á norðvesturströnd Afríku, sunnan við Marokkó og var lengi spænsk nýlenda en Marokkó hernam það 1975.

Aðgerðasinni frá Vestur-Sahara, Aminatou Haidar, er nú í hungurverkfalli á Lanzarote-flugvelli á Kanaríeyjum  eftir að stjórnvöld í Marokkó ráku hana frá heimaborg sinni, Laayoune. Marokkómenn hernámu V-Sahara 1975 og um helmingur landsamanna er í útlegð.

Haidar, sem fengið hefur friðarverðlaun sem kennd eru við Robert F. Kennedy, krefst þess að spænsk yfirvöld leyfi henni að snúa aftur Laaoune en þau neita vegna þess að Marokkómenn tóku af henni vegabréfið. Haidar, sem hefur leyfi til að búa á Spáni, hefur tekið þátt í baráttunni fyrir sjálfstæði V-Sahara sem er auðugt af ýmsum náttúrauðlindum.

 V-Saharamenn eru taldir vera um hálf milljón en yfir 20 milljónir búa í Marokkó. Ekkert ríki hefur  viðurkennt yfirráð Marokkómanna á svæðinu. Íslensk sjávarútvegsfyrirtæki, þ. á m. Sæblómi, hafa þrátt fyrir það gert samninga við Marokkóstjórn um veiðiheimildir í landhelgi V-Sahara og veiða skip þeirra þar tugþúsundir tonna af fiski ár hvert.  Útlagastjórn V-Sahara segir að um þjófnað sé að ræða.