Gull að verða uppurið

Gull er að verða uppurið að sögn námamanna. Þeir spá samdrætti í gullvinnslu, þrátt fyrir svolitla uppsveiflu á þessu ári og gullverð í hæstu hæðum. Gullnámurnar séu þurrausnar og leit að nýjum beri ekki árangur. 

Omar Jabara, talsmaður Newmont Mining sem er næst stærst  gullnámafyrirtækja í heiminum, segir árið 2009 sé undantekning frá reglunni.

Vincent Borg, talsmaður Barrick Gold sem er stærsta gullnámafyrirtæki í heimi, segir að dregið hafi úr gullvinnslu allt frá árinu 2001. Gullframleiðsla hafi minnkað úr um 85 milljónum únsa á ári í um 75 milljón únsur. Hann segir að gullframleiðsla dragist saman um sem nemi einni milljón únsa á ári. Þeir spái áframhaldandi samdrætti, þrátt fyrir hækkandi gullverð.

Suður-Afríka var á sínum tímaí fremstu röð gullnámalanda heimsins. Þar hefur gullvinnsla dregist saman sem samsvarar um 9,3% ár frá ári  síðasta aldarfjórðunginn.

Gullnámafyrirtækin segir að þótt þeim takist að auka gullvinnslu tímabundið þá sé langtímaþróunin niður á við. 

• Blogga um frétt