Heimilslaus maður í hlýjar sér með vodka í vetrarkuldanum í Rússlandi. Reuters

Karlmenn í Rússland, þar sem yfirvöld hafa lýst áfengissýki sem hamförum, geta gert ráð fyrir að lifa skemur en flestir kynbræður þeirra í Evrópu, því lífslíkur þeirra eru aðeins 60 ár. Þetta er langt fyrir neðan meðaltal stórþjóða í Vestur-Evrópu, s.s. Þýskalandi þar sem lífslíkur karlmanna eru 77 ár og á Íslandi þar se lífslíkur karla eru 79,6 ár, þær mestu í heimi. 

Há dánartíðni ungra, vinnandi manna er sagt vera stærsta heilsufarslega vandamál sem Rússar glíma við, en síðustu ár hefur áfengi verið orsök yfir 50% dauðsfalla í landinu. Áfengi er sagður vera einn helsti sökudólgurinn, en síðan Sovétríkin féllu hefur neysla áfengis og tóbaks aukist mjög. Stíf  áfengisdrykkja er hluti af daglegu lífi hjá mörgum og þá ekki síst neysla á sterku áfengi, þjóðardrykknum vodka. Talið er að Rússar neyti að meðaltali 18 lítra af hreinu alkóhóli árlega. 

Rannsóknir sýna að þeir sem jafnan eru hvað viðkvæmastir fyrir alkahólisma eru menn með litla menntun og atvinnulausir og það er einmitt það sem margir Rússar búa við eftir fall Sovétríkjanna, þegar atvinnuleysi fór upp úr öllu valdi og stór hluti þjóðarinnar bjó við fátækt.

Við 18 ára aldur hefur meðalkarlmaður í Vestur-Evrópu 90% líkur á því að ná eftirlaunaaldri, en í Rússlandi verða aðeins 50% karla svo gamlir. Áfengisvandamálið virðist vera minna meðal rússneskra kvenna, sem ná að meðaltali til 73 ára aldri, en á hinn bóginn hafa reykingar aukist verulega meðal ungra kvenna í Rússlandi.  

Aukning áfengsi- og tóbaksnotkunar hefur leytt til þess að hjartasjúkdómar eru algengari og fleiri frá krabbamein en áður. Ríkisstjórnin hefur gert tilraunir til að mæta bæta heilsu þjóðarinnar. Áfengisvandinn skánaði t.a.m. ögn árið 2006 eftir að hömlur voru settar á sölu alkóhól sem ekki er ætlað til drykkju, s.s rakspíra sem margir leggja sér til munns.

Talið er líklegt að efnahagsvandinn nú tefji umbætur í heilbrigðismálum, auk þess sem streita og atvinnuleysi fer vaxandi á nýjan leikí landinu.