Tveir brasilískir lögreglumenn hafa verið handteknir í Rio de Janeiro, grunaðir um að hafa rænt, nauðgað og skotið unga konu. „Ertu búin að fara með bænirnar þínar,” er sagt að annar lögreglumaðurinn hafi spurt konuna áður en hann skaut hana í andlitið á föstudagskvöld. Konan lifði hinsvegar af.

Mennirnir hentu henna svo ofan í 10 metra djúpa holu og töldu hana látna. Konan, sem er 21 árs gömul, lifði árásina hinsvegar að og tókst að koma sér upp úr holunni og fá hjálp frá mótorhjólamanni sem átti leið hjá og kallaði á sjúkrabíl.

Yfirvöld segja að árásin hafi hafist nærri lestarstöð þar sem lögreglumennirnir rændu 1.000 dollurum af konunni, sem bar reiðuféð á sér vegna þess að hún hafði ætlað sér að kaupa húsgögn daginn eftir. Lögreglumennirnir drógu þá ályktun að peningarnir væru tengdir fíkniefnum, og kröfðust þess að hún útvegaði þeim 12.000 dollara til viðbótar.

Þegar hún neitaði fóru þeir með hana á yfirgefið svæði þar sem talið er að annar þeirra hafi nauðgað henna og svo skotið hana. Að sögn lækna fór kúlan hinsvegar út í gegnum kinnina án þess að valda lífshættulegum áverkum.

Vaxandi áhyggjur eru nú af tíðum glæpum og trúverðugleika lögreglunnar í Brasilíu, sem nýlega var valin til að halda Ólympíuleikana árið 2016.