ESB slítur viðræðum við Norðmenn um fiskveiðar

Evrópusambandið hefur slitið samningaviðræðum við Norðmenn um fiskveiðar á næsta ári. Bæði Lisbeth Berg-Hansen sjávarútvegsráðherra og Audun Maråk framkvæmdastjóri samtaka útgerðarmanna lýsa vonbrigðum með ákvörðunina.

Í samtali við fréttastofuna NTB segir Maråk það vonbrigði hvernig komið væri, en hann tók þátt í samningunum fyrir hönd útgerðarmanna. Hann segir samtökin og fiskvinnsluna styðja afstöðu stjórnvalda í viðræðunum.

Maråk segir að fulltrúar ESB hafi tjáð Norðmönnum, að viðræðuslitin muni hafa afleiðingar í för með sér varðandi aðra gildandi veiðisamninga, svo sem varðandi kolmunna.

Ein afleiðing viðræðuslitanna er að ekki verða ákveðnir heildarkvótar fyrir sameiginlega fiskistofna í Norðursjó og Skagerak. 

Fyrr í vetur sleit ESB viðræðum við Norðmenn um makrílveiðar í lögsögu sambandsins.

• 2 blogg um fréttina

Bloggað um fréttina

• A.L.F: Svona er ESB
• Jón Aðalsteinn Jónsson: Stórríkið skekur sig