Kraftmiklar heimagerðar sprengjur hafa gengið kaupum og sölum á milli unglinga í 8. og 9. bekk  grunnskóla í Nyborg í Danmörku í gegnum sms samskipti. Lögreglan í Nyborg ræddi við nemendur á þriðjudagskvöld til að hafa uppi á sprengjunum sem eru gerðar með röri og eldhúsrúllu.

Rúllan er fyllt af púðri, lokað fyrir hana á báðum endum með plasti hún vafin með teipi. Sprengikrafturinn getur verið mikill, einsog dæmið sýnir í Harevænget í Nyborg þar sem 2,5 kílóa þung lúga var sprengd af póstkassa, kastaðist 17 metra upp í loftið og lenti á húsvegg.

Við rannsókn fann lögregla alls 39 slíkar eldhúsrúllusprengjur í herbergjum átta grunnskólanema. Þrjár til viðbótar fundust faldar undir tré í almenningsgarði. Lögreglan í Nyborg hefur miklar áhyggjur af málinu og ekki síst af því að fleiri sprengjur kunni að leynast í fórum grunnskólanema.

Í einum sms skilaboðum sem lögregla veit af skrifað 15 ára gamall drengur til skólafélaga sinna að hann hafi verið að fá 80 stórar eldhúsrúllusprengjur og að margar smærri séu væntanlegar. Því er talið að 30-40 sprengjur í viðbótar séu í umferð og þær geti verið stórhættulegar þeim sem kveiki á þeim að sögn lögreglu.

Foreldrar í Nyborg eru hvattir til að ræða við börnin sín á unglingsaldri og láta lögreglu vita ef fleiri sprengjur komi í leitirnar. „Þessar sprengjur eru lífshættulegar og verða að finnast áður ein einhver slasast," segir hefur Politiken eftir lögreglustjóra Nyborg.