Ela Gandhi með ösku afa síns. AFP

Hluti af ösku indversku frelsishetjunnar Mahatma Ghandi  verður dreift á haf út undan ströndum Suður-Afríku á morgun.  BBC hefur eftir barnabarni hans, Ela Gandhi, að fjölskylduvinur hafi geymt öskuna áratugum saman, en hún hafi verið afhent fjölskyldunni í fyrra.

Eftir að Gandhi var ráðinn af dögum fyrir 62 árum síðan var ösku hans dreift á milli fjölskyldu, vina og fylgismanna. Ekki er vitað fyrir víst hversu margir fengu hluta af ösku hans árið 1948. Hefðin er sú að öskunni sé dreift yfir vatn stuttu eftir líkbrennslun og er talið að flestir hafi gert það á sínum tíma, en vinkona Gandhi sem fékk þennan hluta öskunnar þekkti ekki til hefða Hindúa. Það sem eftir er af ösku hans verður því dreift á haf út í birtingu á morgun nákvæmlega 62 árum eftir dauða hans og munu um 200 ættingjar og vinir taka þátt í athöfninni.

Mahatma Ghandi var ráðinn af dögum þann 30. janúar 1948. Hann bjó í Suður-Afríku síðasta 21 ár ævi sinnar þar sem hann starfaði sem lögfræðingur og aðgerðasinni.