Erlent | mbl | 8.2.2010 | 21:39 | Uppfært 22:12

Réttað yfir lækni Michaels Jacksons

Dr. Conrad Murray mætir í réttarsal Los Angeles í fylgd lögregluþjóna. DANNY MOLOSHOK

Conrad Murray, fyrrum læknir Michaels Jacksons, var í dag formlega ákærður fyrir manndráp af gáleysi af saksóknara í Los Angeles. Murray kom í réttarsalinn í lögreglufylgd og lýsti sig saklausan. Verði hann fundinn sekur bíður hans allt að fjögurra ára fangelsisvist.

Blaðamenn og ljósmyndarar söfnuðust saman í kvöld að íslenskum tíma við réttarsalinn til að fylgjast með. Meðlimir úr Jackson fjölskyldunni, þ.á.m. foreldrar Jacksons, eru einnig viðstaddir. Sjálfur mætti Murray í réttarsalinn fyrir stundu í fylgd lögregluþjóna en án handjárna og sagði ekki orð við fjölmiðla.

Jackson lést þann 25. júní síðastliðinn fimmtugur að aldri. Dánarorsök var skammtur af deyfilyfinu propofol í bland við önnur sterk lyf. Murray er ekki talinn hafa gefið honum of stóran af ásetningi og er því ákærður fyrir manndráp af gáleysi.

Erlent »

Fimm létust í loftárás

21:17 Að minnsta kosti fimm pakistanskir uppreisnarmenn létu lífið í loftárás bandaríska hersins sem gerð var skammt frá landamærum Pakistan að Afganistan, í Waziristan héraði þar sem Talibanar og hryðjuverkasamtökin al-Qaeda eru með umfangsmikla starfsemi. Meira

Þeir sem ekki reykja fá meira frí

19:20 Sífellt fleiri atvinnurekendur í Noregi veita þeim starfsmönnum sínum sem ekki reykja aukafrídaga. Heilbrigðisráðherra Noregs, Anne-Grete Strøm-Erichsen, segist styðja tiltækið. Meira

Héldu stúlku sem þræl í átta ár

20:21 Bosnísk hjón héldu þýskri stúlku sem þræl í átta ár, lokuðu hana inni og meinuðu henni að umgangast annað fólk. Stúlkan, sem er 19 ára, er nú undir læknishendi. Meira

Danir hafa áhyggjur af spekileka

18:49 Á hverju ári flytja rúmlega 20.000 Danir úr landi til náms eða starfa og sífellt fleiri vel menntaðir Danir kjósa að snúa ekki aftur til síns heima. Flestir þeirra eru verkfræðingar. Meira

Segjast ekki bera ábyrgð

Damascus 'not responsible' for Houla massacre

17:37 Sýrlensk stjórnvöld hafna fullyrðingum um að þau beri ábyrgð á dauða rúmlega 90 óbreyttra borgara sem voru myrtir í bænum Houla í gær. Þriðjungur þeirra látnu er börn. Meira

Rússar efast um sekt stjórnarinnar

19:05 Rússnesk yfirvöld segjast efast um að sýrlensk stjórnvöld beri ábyrgð á fjöldamorðunum í bænum Houla í gær, en þar látust 116 manns, þar af fjöldi barna. 300 eru særðir. Meira

Í facebookstríði við Lagarde

Grikkir eru Christine Lagarde, framkvæmdastjóra AGS, sárreiðir vegna ummæla hennar um skuldavanda Grikklands.

18:29 Grikkir eru Christine Lagarde, framkvæmdastjóra Alþjóðagjaldeyrissjóðsins, ævareiðir vegna ummæla hennar um að hún velti því fyrir sér hvers vegna þeir væru svo fúsir til að komast hjá því að greiða skatta. Grískur almenningur hefur herjað á Lagarde á samskiptasíðunni Facebook í dag. Meira

Fundu líkin eftir sjö vikur í snjó

Frá björgunaraðgerðum í Siachen Glacier í Kasmírhéraði í Pakistan.

17:16 Björgunarsveitir í Pakistan komust loksins að herbúðum á Siachen-jökli í hinu fjalllenda Kasmírhéraði, þar sem snjóflóð féll fyrir meira en sjö vikum. Björgunarmennirnir þurftu að grafa göng í gegnum geysiháa snjóskafla með aðstoð stórvirkra vinnuvéla. 140 manns létust í flóðinu. Meira

Var í skóla með fórnarlömbunum

Víða var flaggað í hálfa stöng í Finnlandi í dag vegna morðanna.

16:20 Maðurinn, sem skaut á hóp fólks í bænum Hyvinkää í Finnlandi í fyrrinótt og myrti tvö ungmenni, var kunnugur þeim. Hann gekk í sama skóla og þau tvö sem hann myrti, en var hættur í skóla fyrir nokkru. Meira

Vandi skekur Vatikanið

15:55 Páfagarður reynir enn að finna út hver standi á bak við umfangsmikinn leka á upplýsingum úr Vatikaninu undanfarið. Trúnaðarskjölum um viðkvæm mál er varða kirkjuna hefur markvisst verið lekið í fjölmiðla og hafa menn nú þegar verið handteknir án þess að vitað sé með nokkurri vissu um hver sé sökudólgurinn. Meira

Stokkhólmur, Gautaborg eða Malmö?

Loreen hin sænska sem vann Evróvisjónkeppnina í gær.

16:02 Borgaryfirvöld í Stokkhólmi, Gautaborg og Malmö hafa öll lýst sig reiðubúin til að halda Evróvisjónkeppnina á næsta ári, en hún verður haldin 18. maí. Keppnin var síðast haldin í Svíþjóð fyrir 12 árum og þá var hún í Stokkhólmi, í tónleika- og íþróttahöllinni Globen. Meira

Sænskur unglingur varð fyrir skoti í Tyrklandi

15:23 17 ára sænskur drengur var skotinn í bakið síðastliðinn þriðjudag þegar hann var á ferðalagi í Tyrklandi með fjölskyldu sinni. Hann lá á sólbekk við sundlaug þegar hann varð fyrir skotinu og var í kjölfarið fluttur í skyndi á sjúkrahús í borginni Antalya þar sem fjölskyldan var í fríi og undirgekkst uppskurð sem tókst vel. Meira

Hvetur til frelsisstríðs

15:12 Burhan Ghalioun, formaður Sýrlenska þjóðarráðsins, hvatti í dag til „frelsisstríðs“ gegn ríkisstjórn landsins, sem yrði háð þar til Sameinuðu þjóðirnar grípa til aðgerða. SÞ hefur heimild til hernaðarumsvifa vegna ákvæða svokallaðs sjöunda kafla. Meira

Blóðbaðsins minnst

Frá Torgi hins himneska friðar, Tianamen torgi, í Peking í dag.

12:48 Hundruð lýðræðissinna fylktu liði í Hong Kong í dag til að minnast þess að 23 ár eru senn liðin frá því mótmæli stúdenta á Torgi hins himneska friðar í Peking voru brotin á bak aftur af stjórnvöldum. Meira

Sakaður um að nauðga tíu ólögráða stúlkum

Frá Beijing höfuðborg Kína. Úr myndasafni.

11:57 Kínverska lögreglan hefur í haldi fyrrverandi embættismann á vegum kínverska kommúnistaflokksins vegna gruns um að hann hafi nauðgað í það minnsta tíu ólögráða stúlkum. Þetta kemur fram í tilkynningu frá kínverskum stjórnvöldum í dag. Meira

Lady Gaga aflýsir tónleikum í Jakarta

13:18 Lady Gaga hefur aflýst fyrirhuguðum tónleikum í Jakarta, höfuðborg Indónesíu, í kjölfar hótana öfgafullra íslamista um að öryggi hennar og tónleikagesta yrði ógnað færu þeir fram. Meira

Fjölskylda lést í loftárás NATO

12:31 Loftárás á vegum Atlantshafsbandalagsins (NATO) varð átta að bana í austurhluta Afganistans í gær að sögn þarlendra embættismanna en á meðal hinna látnu voru sex börn. Þetta kemur fram í frétt AFP-fréttaveitunnar í dag. Meira

Fordæma morð á óbreyttum borgurum

í gær Ban Ki-moon, framkvæmdastjóri Sameinuðu þjóðanna, og Kofi Annan, sérlegur sendifulltrúi SÞ í málefnum arabaheimsins, hafa fordæmt morð á yfir 90 óbreyttum borgurum í Houla í Sýrlandi í dag. Meira