Vanskapaðir þorskar veiðast

Þessi vanskapaði þorskur veiddist í Troms í Noregi á liðnu ...
Þessi vanskapaði þorskur veiddist í Troms í Noregi á liðnu hausti. Fiskeridirektoratet

Margir vanskapaðir þorskar hafa veiðst í Þrándheimsfirði í Noregi upp á síðkastið. Norsk umhverfisverndarsamtök hafa kært þorskeldisfyrirtæki og segir þorskana þaðan komna. Margir fiskanna eru með rauða bletti, stóra hnúða eða sár. Aðrir hafa vansköpuðu höfuð og kjaft.

ABC fréttastofan segir að umhverfisverndarsamtökin Norges Miljøvernforbund fullyrði að þorskarnir í Þrándheimsfirði séu úr þorskeldi Frengen Havbruk við Ytterøy. Samtökin hafa nú kært fiskeldið fyrir brot á dýraverndarlögum.

Yfirmaður fiskeldisstöðvarinnar segir að þeir séu að slátra þorskunum í stöðinnni og reiknar með að því ljúki um páskana. Fiskeldisstöðinni verður þá lokað, samkvæmt frétt norska ríkisútvarpsins í dag. 

Forystumaður í samtökunum óttast umhverfisslys í Þrándheimsfirði. Hann segir að vanskapaðir þorskar hrygni þar ekki síður en villtur þorskur. 

Þorskeldisstöðin hefur ekki tjáð sig um málið. Hún hefur áður verið kærð. Það gerðist eftir að fjöldi eldisþorska slapp úr eldiskvíum.  Fyrir jólin 2008 sluppu 25 þúsund þorskar úr stöðinni og í september í fyrra tapaði stöðin 42 þúsund þorskum út í fjörðinn.

Á liðnu hausti birti fiskistofa Noregs, Fiskeridirektoratet, myndir af vansköpuðum þorski sem veiddist í Stórafirði í Troms. Í framhaldi af því var farið í tilraunaveiðar og rannsókn á hvað væri á seyði. Þá veiddust 56 þorskar og voru nokkrir þeirra óeðlilegir útlits. 

Sýni úr afbrigðilegu fiskunum voru send til rannsóknar hjá norsku hafrannsóknastofuninni. Einnig voru tekin sýni úr fiskum í fiskeldisstöð í firðinum til samanburðar. 

mbl.is

Bloggað um fréttina

Frá Sýrlandi til Evrópu - Greinaflokkur

Viðeyjarbiblía 1841
Til sölu Viðeyjarbiblía frá 1841, bandið orðið mjög lúið, tilvalið verkefni fyri...
Hornborð til sölu
Eikar borð til sölu ,stærð 65x65 cm. hæð,45 cm. Er í Kópavogi aðeins 3,000,- kr...
SKRIFSTOFUHERBERGI
TIL LEIGU 2 SKRIFSTOFUHERBERGI Á GÓÐUM STAÐ VIÐ SÍÐUMÚLA. ANNAÐ ER AÐ HEFÐBUNDIN...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
 
Vélavörður
Sjávarútvegur
Vélavörður Vísir hf. óskar ef...
Félagsstarf
Staður og stund
Árskógar Opin smíðastofa kl. 9-15. Opið ...
Háseti
Sjávarútvegur
Háseti Vísir hf óskar eftir a...
Félagsstarf
Staður og stund
Árskógar Hádegismatur, mexíkanskur hakkr...