Erlent | mbl | 25.2.2010 | 10:58

Toyoda biðst afsökunar

Sæktu Flash-spilarann til að spila myndskeiðið

Akio Toyoda, stjórnarformaður Toyota, baðst afsökunar er hann kom fyrir bandaríska þingnefnd í gær vegna ítrekaðra galla í Toyota-bifreiðum. Hefur þurft að innkalla á níundu milljón Toyota-bifreiða í heiminum vegna galla í eldsneytisgjöf og hemlakerfum. Í einhverjum tilvikum hafa dauðsföll í umferðinni verið rakin til galla í bifreiðunum.

Undanfarið hefur þurft að innkalla hálfa milljón tvinnbíla, meðal annars nýjustu útgáfuna af Prius, vegna vandamáls í bremsukerfi.

Áður hafði Toyota innkallað um átta milljónir bíla í heiminum vegna mögulegs vandamáls í eldsneytisgjöf í átta bílgerðum. Í tilkynningu um innköllun Toyota-bíla 29. janúar sl. kom fram að áætlað væri að kalla þyrfti inn rúmlega 5.000 bíla á Íslandi.

Toyoda sagði að Toyota myndi vinna náið með bandarísku rannsóknarnefndinni og tók fram að ekki hafi komið upp galli í rafbúnaði bifreiðanna líkt og haldið hefur verið fram í Bandaríkjunum.

Erlent »

Það er víðar en á Íslandi dýrt að fyll'ann.

Bensínið aldrei dýrara í Danmörku

18:31 Það hefur aldrei verið jafn dýrt að fylla bensíntankinn í Danmörku og í dag er verðið á lítrann fór í 12,99 krónur eða 284,16 íslenskar krónur. Í Noregi fór verðið í 14,83 krónur, eða rúmar 315 íslenskar krónur. Meira

Búið að handtaka árásarmanninn

16:47 Íbúar í þorpinu Nutaarmiut á vesturströnd Grænlands eru harmi slegnir eftir að maður skaut þrjá til bana og særði tvo lífshættulega. Maðurinn er nú í haldi lögreglu. Meira

Dvínandi vonir Rúmena og Búlgara

16:36 Vonir stjórnvalda í Rúmeníu og Búlgaríu um að geta orðið aðilar að Schengen-samstarfinu innan skamms dvínuðu í dag þegar Evrópusambandið sendi frá sér skýrslu þar sem ríkisstjórnirnar tvær eru hvattar til þess að grípa til frekari aðgerða gegn spillingu og skipulagðri glæpastarfsemi. Meira

Fjölgar mest í Kanada

15:58 Mannfjöldi hefur aukist mest í Kanada af átta stærstu iðnríkjum heimsins (G8 ríkjunum) á síðasta áratug. Er það þakkað fjölda innflytjenda og aukinni frjósemi samkvæmt manntalsgögnum sem birt voru í dag og AFP fréttastofan greinir frá. Meira

Sendi 11 ára nemanda sínum ástarbréf

Foreldrar mótmæla við skóla í Los Angeles og krefjast þess m.a. að öryggismyndavélar verði settar ...

15:53 Lögreglan í Los Angeles rannsakar nú hvort skólaliði á sextugsaldri hafi sent ellefu ára nemanda sínum ástarbréf. Skólaliðinn kenndi við sama skóla og tveir kennarar sem nú eru í haldi vegna gruns um kynferðisofbeldi gegn nemendum sínum. Meira

Sjálfsmorðssprengja í Sómalíu

16:05 Ellefu létu lífið þegar sprengja sprakk í höfuðborg Sómalíu, Mogadishu, í dag. Um var að ræða sjálfsmorðssprengju, en maður ók bíl, hlöðnum sprengiefnum að forsetahöll landsins og sprengdi þau síðan í loft upp. Meira

Hinn ástsæli og hinn stórfenglegi

Kim Jong-il kemur fyrir almenningssjónir

15:54 Norðurkóreska ríkissjónvarpið sendi út í dag myndskeið þar sem sjá má feðgana Kim Jong-il og son hans og núverandi leiðtoga landsins, Kim Jong-un, þar sem þeir virða fyrir sér ýmsar hernaðaræfingar. Meira

Þrír myrtir á Grænlandi

15:07 Þrír menn voru myrtir í Nutaarmiut sem er nærri bænum Upernavik á vesturströnd Grænlands í dag. Tveir aðrir eru alvarlega sárir eftir árásina. Ódæðismaðurinn skaut mennina. Meira

Atvinnuleysi eykst

Starfsmaður í verslunarmiðstöð í Swiss. Atvinnuleysi þar í landi hækkaði um 0,1% á milli mánaða.

14:59 Atvinnuleysi í Sviss mældist 3,4% í janúar í samanburði við 3,3% í desember samkvæmt opinberum tölum sem voru opinberaðar í dag. Í enda janúarmánaðar voru 134.317 manns atvinnulausir í Sviss, sem er hækkun um 3.655 segir starfsmaður Seco, efnahagsskrifstofu landsins. Meira

Methiti á Svalbarða

14:27 Á meðan frosthörkur geisa víðast um Evrópu er methiti á Svalbarða. Í dag mældist hitinn sjö stig og hefur aldrei verið hærri í febrúar. Meira

Neyðarhjálp með þyrlum í Bosníu

14:50 Stjórnvöld í Bosníu hafa sent matvæli og lyf með þyrlum til þorpa í Bosníu sem eru innilokuð vegna snjóa en allt hefur verið á kafi í snjó þar í tólf daga. Meira

Svaf hjá nemanda en sleppur við fangelsi

14:13 Breskur kennari sem átti í kynferðissambandi við 16 ára nemanda sinn sleppur við fangelsisvist vegna málsins vegna þess að nemandinn leitaði sjálfur eftir sambandi við hann og gerði sér far um að ögra honum kynferðislega samkvæmt fréttavef breska dagblaðsins Daily Telegraph. Meira

Allt á kafi í snjó

14:11 Snjókoma veldur vandræðum í Japan í kuldakasti sem nú gengur yfir landið með tilheyrandi ofankomu, sem stefnir í að slá öll met. Meira

Kunna ekki að bregðast við barnaníði

Fjögurra daga ráðstefna stendur nú yfir í Vatíkaninu um hvernig bæta megi viðbrögð við barnaníði.

13:10 Leiðtogar kaþólsku kirkjunnar hafa „ekki hugmynd" um hvernig þeir eigi að bregðast við barnaníði presta í Brasilíu, þar sem meira umburðaryndi gagnvart barnaníði er bundið í menninguna, miðað við Vestræn lönd. Þetta segir brasilískur sálfræðingur. Meira

Linnulausar árásir í Homs

12:51 Navi Pillay yfirmaður mannréttindamála hjá Sameinuðu þjóðunum, biðlaði til alþjóðasamfélagsins í morgun til að vernda óbreytta borgara í Sýrlandi. Borgin Homs í Sýrlandi er undir linnulausum árásum hers landsins. Meira

Ástralía á kafi í vatni

14:00 Vatnsyfirborð heldur áfram að hækka í Queensland-fylki í Ástralíu, en þar hafa verið mikil flóð að undanförnu vegna mikilla rigninga. Meira en 2.000 manns voru fluttir af heimilum sínum síðustu helgi og hafa íbúar svæðisins þungar áhyggjur. Meira

Listaverk fyrir 1.407 milljarða

13:03 Alls seldust listaverk fyrir 11,5 milljarða Bandaríkjadala, 1.407 milljarða króna, á listaverkauppboðum í heiminum á síðasta ári. Meira

Facebooksíða Breivik enn lokuð

11:53 Norska lögreglan hefur ítrekað reynt að fá aðgang að facebooksíðu norska fjöldamorðingjans Andrers Behrings Breivik, en án árangurs. Breivik mun hafa átt um eitt þúsund vini á samskiptasíðunni. Facebook-fyrirtækið hefur ekki veitt þennan aðgang á þeirri forsendu að þar sé unnið samkvæmt ströngustu reglum um persónuvernd. Meira