Myndskeið af jarðskjálftanum

Íbúar Chile eru nú að meta tjónið eftir einn mesta jarðskjálfta sem riðið hefur yfir heiminn í heila öld. Upptökur úr eftirlitsmyndavél sýna gesti flýja úr hóteli í Valpariso þegar 8,8 stiga sterkur jarðskjálftinn brast á. Afl hans dugði til að eyðileggja hús í 320 km fjarlægð frá upptökunum.

Björgunarmenn freista til þess að bjarga þeim sem komust af en tala látinna er komin yfir 300. Jarðskjálftinn olli hafnarbylgjum í strandhéruðunum  Dichato og Constitución. Flóðbylgjurnar sópuðu burt heilu íbúðarhverfunum.

Bátar og bílar skoluðust með miklum krafti á íbúðarhús og aðrar byggingar. Flóðbylgjan skildi ekkert eftir sig nema brak og rústir. Íbúar í Constitución voru felmtri slegnir þegar þeir mátu skemmdirnar.

Daniel Torres lýsti því hvernig flóðbylgjan tók heimili hans. „Gluggarnir, veggirnir, eldhúsið skolaðist allt í burtu. Vatnið tók allt, meira að segja eldhúsdyrnar.“

Fjölskyldur völdu að sofa undir berum himni í höfuðborginni Santiago af ótta við að eftirskjálftar myndu fella heimili þeirra. Áætlað er að um tvær milljónir manna hafi verið á faraldsfæti eftir hörmungarnar.

Um leið og Chilebúar grófa sig í gegnum rústirnar voru aðrar þjóðir við Kyrrahafið að búa sig undir eftirhreytur jarðskjálftanna. Gefnar voru út flóðbylgjuviðvaranir í Ástralíu, Nýja Sjálandi, Japan og Bandaríkjunum. Sem kunnugt er ollu flóðbylgjur ekki miklu tjóni þar.

• 1 blogg um fréttina

Bloggað um fréttina

• Jóhanna Sigrún Jónsdóttir: Vatnsleki á Selfossi