Breskir þingmenn sem hafa fengið hundruðir þúsunda punda í styrki fyrir að telja fasteign sem þeir dvelja sjaldan í sem lögheimili sitt, hafa komist hjá saksókn með nýjum lögum sem samþykkt voru breska þinginu í síðasta mánuði. Lagasetningin þýddi að ekki var lengur grundvöllur til að lögsækja Uddin barónessu en þingmaðurinn hefur haldið heimili í London í meira en áratug og þegið uppbót fyrir þar sem lögheimili hennar var skráð utan borgarinnar.

Samkvæmt The Times var með nýju lögunum þingmönnum leyft að lýsa fasteign sem þeir dvelja í mánaðarlega sem lögheimili sitt og þiggja fyrir uppbót þar sem þeir þurfi að halda annað heimili í London. Annar þingmaður Paul, tilkynnti einnig í vikunni að hann yrði ekki lögsóttur en hann hefur lýst því yfir að hann sofi aldrei í lögheimili sínu sem er skráð utan London.

Þingmenn sem eiga skráð lögheimili utan London geta átt rétt á um 174 pundum á dag eða um 33.000 krónum, til að standa straum af kostnaði við dvöl þar.