Stuðningsmenn Thaksins streyma inn í Bangkok. Reuters

Tugir þúsunda Thaksins Shinawatra, fyrrverandi forsætisráðherra Taílands, streymdu inn í Bangkok, höfuðborg landsins, í morgun en boðað hefur verið til mótmælafundar á morgun með það að markmiði að koma ríkisstjórninni frá. Um 50 þúsund lögreglumenn og hermenn eru við öryggisgæslu í borginni og leituðu þeir á fólki þegar það kom inn í borgina í morgun.

Skipuleggjendur mótmælanna segja að þau verði friðsöm en ríkisstjórnin beitir sérstökum öryggislögum til að fylgjast með mótmælafundinum og þátttakendum. Þau lög heimila stjórnvöldum að setja upp varðstöðvar, mæla fyrir um  útgöngubann

Abhisit Vejjajiva, forsætisráðherra, sem hefur neitað kröfum mótmælenda um að segja af sér og boða til kosninga, hitti ríkisstjórn og stjórnendur hersins á fundi í morgun. Hann aflýsti ferð til Ástralíu um helgina vegna mótmælanna.

Hæstiréttur Taílands lagði fyrir hálfum mánuði hald á 1,4 milljarða dala af eignum Thaksins, sem var hrakinn frá völdum árið 2006. Thaksin hefur síðan að mestu verið í sjálfskipaðri útlegð en hann var dæmdur í 2 ára fangelsi að sér fjarverandi fyrir spillingu.