Lögreglumenn standa vörð við gríska seðlabankann í gærkvöldi. reuters

Matsfyrirtækið Standard & Poor's ákvað í gær að taka Grikkland af svonefndum neikvæðum athugunarlista en þá er átt við að líkurnar á að ríkið standi við fjárskuldbindingar sínar hafi aukist.

Fyrirtækið sagði að nýsamþykkt fjárlög, þar sem útgjöld ríkisins eru skorin niður, væru líkleg til að tryggja að markmið um minni hallarekstur næðust, að sögn The New York Times.

Fjármálaráðherra Grikkja, George Papaconstaniou, sagði í gær að sú ákvörðun fjármálaráðherra ríkjanna 16 á evrusvæðinu á mánudag að lofa Grikkjum aðstoð ef þörf krefði væri „gott skref“ í rétta átt. Hækkun varð á verðbréfamörkuðum í Evrópu í gær í kjölfar ákvörðunar ráðherranna 16 en gríðarleg efnahags- og fjármálakreppa Grikkja hefur valdið ótta um greiðslufall gríska ríkisins og jafnvel að evrusamstarfið kynni að hrynja.

Sjá nánari umfjöllun um þetta mál í Morgunblaðinu í dag.