Mahinda Rajapakse Reuters

Þess er í dag beðið að forseti Sri Lanka, Mahinda Rajapase, kynni nýja ríkisstjórn sína þar sem fastlega er búist við því að nánir fjölskyldumeðlimir hans og vandamenn verði skipaðir í lykilstöður. Rajapakse var endurkjörinn í janúar í fyrstu forsetakosningunum sem haldnar voru eftir að sigur vannst á uppreisnarher Tamíltígra.

Þingið hófst í gær og var eldri bróðir Rajapakse, fyrrum hafnarmálaráðherran Chamal, einróma kjörinn þingforseti. Haft er eftir embættismönnum  yngri bróðir Rajapakse, Basil, sem áður var forsetaráðgjafi, verði einn nýrra ráðuneyta og settur yfir valdamikið ráðuneyti.

Enn einn bróðirinn, Gotabhaya Rajapakse, gegnir nú embætti aðalritara vanarmála sem er æðsta embættið innan varnarmálaráðuneytisins, en það spilaði lykilhlutverk í endalokum 37 ára langrar borgarastyrjalda Sri Lanka á síðasta ári.

Búist er við því að forsetinn efni loforð sín um að minnka umfang ríkisstjórnarinnar með því að fækka ráðuneytum og þau verði því innan við 40 talsins. Í síðustu ríkisstjórn landsins sátu alls 109 ráðherrar og var gagnrýnd töluvert fyrir að vera of stór og kostnaðarsöm.