Hillary Clinton, utanríkisráðherra Bandaríkjanna, gagnrýndi írönsk stjórnvöld harðlega þegar hún ávarpaði Sameinuðu þjóðirnar í New York í gær. Hún segir að Íranar ógni stöðugleika heimsins með því að fara á svig við alþjóðalög.

„Þau [írönsk stjórnvöld] hafa virt að vettugi öryggisráð Sameinuðu þjóðanna og Alþjóðakjarnorkumálastofnunina og er framtíð afvopnunarmála nú komið í uppnám. Þess vegna hafa þau einangranst og fundið fyrir auknum þrýstingi frá alþjóðasamfélaginu,“ sagði Clinton.

Nokkrum klukkustundum fyrr hafði forseti Írans, Mahmoud Ahmadinejad, kallaði eftir því á fundinum að Bandaríkjunum yrði refsað fyrir að hafa verið með kjarnorkuhótanir. Clinton svaraði ásökunum Ahmadinejad. Hún sagði að hann væri endalaust með sömu gömlu tugguna. Þetta væri orðið þreytt, þetta væri rangt og þetta væri stundum alveg út úr kortinu. Íranar yrðu að bera ábyrgð á gjörðum sínum.