Undanfarnar þrjár daga hafa að minnsta kosti 29 fallið og 221 hefur særst í átökum hermanna og stjórnarandstæðinga í Bangkok, höfuðborg Taílands. Frá þessu greina sjúkrastofnanir í borginni.

Alls hafa 59 látið lífið og 1.700 særst frá því mótmælin hófust um miðjan marsmánuð. 

Taílensk yfirvöld hafa skipað mótmælendum að leyfa konum og eldra fólki til að yfirgefa búðir mótmælenda í miðborg Bangkok. Þeir hafa frest fram á mánudag til að hlýða.

Rauði krossinn hefur verið beðinn um að aðstoða við að tala fólk til.

Rauðskyrturnar svokölluðu vilja að Abhisit Vejjajiva, forsætisráðherra landsins, segi af sér.

Mörg hundruð mótmælendur eru byrjaðir að safnast saman á öðrum stað í borginni.

Stjórnvöld hafa lýst yfir neyðarástandi í yfir 20 héruðum í þeim tilgangi að koma í veg fyrir að fleiri mótmælendur komi til borgarinnar. Neyðarástand ríki aðallega í norðurhluta landsins, þar sem stjórnarandstæðingar eiga flesta stuðningsmenn.