Netanyahu lýsir stuðningi við herinn

Maður lest í Kóraninum um borð í skipinu áður en ...
Maður lest í Kóraninum um borð í skipinu áður en ísraelsku sérsveitarmennirnir réðust til atlögu. Reuters

Benjamin Netanyahu, forsætisráðherra Ísraels, hefur lýst fullum stuðningi við Ísraelsher í kjölfar árásar sérsveitarmanna sjóhersins á skipalest með hjálpargögn undan Gasaströnd í nótt.

Netanyahu er í opinberri heimsókn í Kanada og mun eiga fund með Stephen Harper, forsætisráðherra, í Ottawa í dag. Ferð Netanyahus er einnig heitið til Washington í Bandaríkjunum þar sem fundur með Barack Obama, Bandaríkjaforseta, er á dagskránni. 

Ísraelska útvarpið sagði í morgun að Netanyahu hefði ákveðið að stytta heimsókn sína vegna árásarinnar á hjálparskipin. Skrifstofa forsætisráðherrans hefur hins vegar ekki staðfest það. 

Margar þjóðir hafa fordæmt árásina og krafist skýringa frá Ísraelsmönnum. Utanríkisráðuneyti Rússlands fordæmdi í dag gróft brot Ísraels á alþjóðalögum  með því að beita vopnum gegn óbreyttum borgurum á alþjóðlegu hafsvæði.

Ban Ki-moon, framkvæmdastjóri Sameinuðu þjóðanna, sagði að sér væri brugðið vegna frétta af árásinni. Hvatti hann Ísraelsmenn til að gefa skýringar á árásinni, þar sem 19 eru sagðir hafa látið lífið og 36 særst, flestir Tyrkir.

Talsmaður Hvíta hússins sagði, að Bandaríkjastjórn harmaði manntjónið, sem varð, og ynni nú að því að afla upplýsinga um þennan harmleik.

Össur Skarphéðinsson, utanríkisráðherra, sagði í fréttum Útvarpsins,  Ísraelsmenn brjóti alþjóðalög á íbúum Gasasvæðisins og haldi þeim í risastóru fangelsi. Sagði hann að íslensk stjórnvöld tæki undir þær kröfur sem hafi komið fram, meðal annars frá Evrópusambandinu, um að þetta mál verði rannsakað í þaula. „Það er ekki hægt að þola það að Ísraelsmenn beiti ítrekað valdi með þessum hætti” sagði Össur.

mbl.is

Frá Sýrlandi til Evrópu - Greinaflokkur

Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
JEMA Flottar lyftur i bílskúrinn og víðar.
Eigum nokkrar af þessum 1 metra lyftum 2,8 tonna, sama verð 235.000+vsk , meðfæ...
YRSA mekkanískt gullhúðað vasaúr
...í jólapakkann, verð 19.500,-. Mikið úrval af YRSU og PL armbandsúrum. GÞ Ban...
 
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Samkoma
Félagsstarf
Söngsamkoma kl. 20 í Kristni- boðssalnu...
Aðalskipulag breyting
Tilkynningar
Kynning á tillögum um breytingar á a...
Félagsastarf
Staður og stund
Aflagrandi 40 Opin vinnustofa kl. 9 og s...