Óeirðaseggir í Stokkhólmi kveiktu í skólabyggingu og köstuðu grjóti að lögreglu í nótt og er það önnur nóttin í röð sem óeirðir brjótast út í höfuðborginni. Upptökin má rekja til þess að á mánudagskvöld var nokkru ungmennum, í úthverfinu Rinkeby þar sem innflytjendur eru í meirihluta, neitað um aðgang að skóladansleik.

Lögreglan í Svíþjóð segir að allt að 100 ungmenn hafi gengið berserksgang í kjölfarið, grýtt steinum og kveikt í nokkrum bílum. Tveir piltar um tvítugt voru handteknir en síðar sleppt.  

Allt að 11 eldar voru kveiktir í nótt að sögn Dagens Nyheter. Að sögn Lögreglan segir að óeirðaseggirnir hafi kastað grjóti að brunabílunum til að hindra þá í að sinna slökkvistörfum við skólann sem brann til grunna. Þá réðst hópur ungmenna líka á lögreglustöð. Í Rinkeby býr mikill fjöldi fyrstu og annarrar kynslóðar innflytjenda. Margir þeirra eru frá Sómalíu og er hverfið stundum kallað Litla-Mogadishu.